傳統救生衣,
好處在於保護性強(因為有厚墊, 有d更有頸墊), 唔怕充唔到氣, 撞到鋒利嘅礁石, 亦唔怕割穿, 身體亦受到有程度上嘅保護!
不過因為傳統救生衣有一定厚度, 對本身身體郁動, 有可能有影響!
充氣式救生衣,
除咗體積教細, 方便攜帶, 及對身體郁動影響較少之外, 無論保護性, 功能, 價錢, 都比唔上傳統式救生衣.
咁點解仲要用充氣式救生衣??
正如爆叔以上所述, 充氣式救生衣多數用於船釣, 因為船釣比磯釣, 較少接近到礁邊. 受到以上提及到嘅危險, 亦都較少.
充氣式救生衣, 現今於市場, 主要分3種,
1. 背心式 (孖潤腸) 有分手動及自動充氣
2. 腰帶式 - 充氣後會圍住身體 (通常位於腰部或腋下)
3. 腰帶分離式 - 充氣後會放出一個水泡物體, 給肇事者"拎"住
就以安全性排名, 充氣式救生衣, 以 1.孖潤腸為最好, 因為孖潤腸充氣後會保持肇事者係水裡面, 頭部一定係水面以上, 就算肇事者暈咗, 不醒人事, 都可以保持到可以呼吸嘅姿勢.
而 2.腰帶式, 肇事者如果不醒人事, 就有可能頭下腳上咁插在水裡面..... 3. 腰帶分離式, 就更加救唔到不醒人事嘅肇事者喇, 不過亦有個好處, 就係如果同一位冇救生設備嘅人跌落水,
你可以將個"水泡"抛俾佢.....
都係果個道理, 既然腰帶分離式冇孖潤腸咁安全, 咁點解會有人揀腰帶/腰帶分離式呢? 因為主要都係體積, 同對身體郁動影響較少, 所以仍然甘受用家歡迎~
至於, 我自己又幾時用傳統式, 幾時用充氣式呢?
一般磯釣, 我都一定會用傳統式,
船釣, 岸fit, 我都會用充氣式,
至於磯fit, 我都係會用充氣式, 原因係磯fit嘅位, 始終比較冇咁大湧浪, 同磯釣位始終有別, 兼且, 傳統式始終對餌木釣所做嘅動作, 會有影響... < |
評分
-
查看全部評分
|
顯身卡
...咁喺魚排度...冇礁石...又冇咁大湧...孖腸同腰帶點揀呢???
