南油變惠州‧大船變小艇

日期：2010年10月1-3日
地點：澳頭﹝同場加映遠赴鹽州“尋找老友的故事”﹞
人物：占版大，租版大，黑仔比

內容：
話說黑仔比9月中收到兩位版大通知10月1號有期出南油，並以此次釣行作為2010年度最後佳作，既然兩位版大唔怕黑仔比既黑氣神功，黑仔比當然好樂意參戰 ！由收到通知計，距離出發日仍有兩星期，兩星期等於14日，黑仔比日日望住天文台個網頁，好擔心因為天氣問題要取消‧‧‧


到9月27、28日，天文台果然預計那數天會有東北4-6級！唉！唔係嘛！點解唔可以俾個機會我圓夢？ 9月29日黃昏，收到租版大通知，南油決定要跟我們分手，還叫我們死心，當時感覺絕對可以用「失戀」來形容，真係傷心死比比！


既然失戀了，當然要馬上搵地方治療失戀帶來的失落！於是決定無南油船坐，轉坐小艇出海艇釣都殺！沒有南海油田，轉為澳頭都好過無！就是這樣，鐵定了10月1日凌晨出發，清晨5點半出艇！

10月1日清晨5點半準時開艇，上半場大家都以手絲為主要工具，可惜黑仔比技不如人，給兩位版大遠遠拋離，眼見兩版大不停的中斑、細鱗、黑沙，恨得雅比有衝動跳落海問一問D魚“點解唔食我隻蝦？” 見兩版大中細鱗時，條魚好鬼有活力，我心諗：“去南油都是為了尋找魚的力量啫！但我南油無得去，細鱗又未中過，點見人？嗚......” 就係咁，我決定今次扮南油之旅既艇釣行程，以細鱗為目標魚！既然打真軍用手絲唔係我強項，唯有馬上轉兵器---筏仔！嘿嘿嘿！有兵器在手，雅比馬上好似鬼上身咁，一晚無訓通宵上路換來既眼訓感覺一掃而空，斑斑、黑沙、沙立、火點開始陸續給我征服，但‧‧‧‧‧細鱗呢？？


午餐過後，下半場時間開始，海面湧起了白頭浪，很明顯大湧了很多，但我們天不怕地不怕，只怕無得釣！而艇家亦好細心地為我們安排了比早上大一點的蝦，就這樣，黑仔比繼續以筏仔作為工具，努力尋找我的第一次，沒多久，竿頭傳來有魚咬餌的訊號，到了適當時機，用力一抽，嘩哈哈哈哈！中左！但‧‧‧‧點解咁活潑？ 此時，心頭一寒，因為‧‧‧‧1.75絲太耐無打理，好脆！條魚咁活潑，我好快就會輸！點好呢？此時兩版大比我還肉緊，在旁指導黑仔比如何避重就輕地收服條傻魚，就這樣，1.75的脆絲終於成功了，黑仔比成功獻出第一次---細鱗！開心死！ 既然圓夢了，時間亦差不多，於是我們六點回航，南油之旅就這樣變了釣足12小時的艇釣。


南油之旅一般都是3日2夜，但這次艇釣我們只用了一日一夜，當然未夠滿意，於是，我們上岸後，馬上遠赴鹽州展開：尋找老友的故事


〈尋找老友的故事〉
故事人物：大久堅、王子、龍少、幻象、HIU、小狗、小狗狗連同三隻為了釣魚通宵無訓過既熊貓-租熊貓、占熊貓、比熊貓
故事大綱：聚會 + 排釣 + 慶祝龍少生日
故事概要：
三隻為了釣魚通宵無訓過熊貓，為了尋找老友，依然唔願休息，憑著意志、捱著眼訓、頂著疲乏、依賴GPS驅車前往惠州另一地方-黃埠。幸好GPS還算信得過，但果條又黑又暗既公路，令到果個已累得頭暈眼花、精神錯亂的可憐司機，出現幻覺，情況實在令人很擔心！幸好，我們總算順順利利與他們會合，晚飯過後便回酒店昏睡。

10月2日，是日上魚排閒釣，開竿無耐租少中了他的至愛-斑斑；黑仔比今次不再黑仔，終於中了恨足兩年都釣唔到的--紅鮋！雖然size不大，但總算圓了心願！除了紅鮋，還有兩隻藍花蟹，同樣都是釣上來的，很開心！占版大當然也不甘示弱，輕輕鬆鬆的釣來紅鮋。總括來講，是日閒釣十分輕鬆，舒舒服服地過了一天。

到了晚上，為了慶祝龍少大壽，晚餐過後特備精彩節目-溫馨卡拉OK！笑足一個晚上，個個盡慶而回。


10月3日，由於幾天來也沒有好好休息過，是日好好休息，午餐過後起行回程！

艇仔都咁好魚, 又冇南油咁貴, 捱眼瞓都抵喇!

艇仔都咁好魚, 又冇南油咁貴, 捱眼瞓都抵喇!
panada88 發表於 2010-10-4 16:30

                               
登錄/註冊後可看大圖

呢個捱眼訓真係唔講得笑, 去到黃埠果時, 簡直係得番半條人命

不過好在都有廿斤左右收穫, 都算係咁喇

有無 皇上出宮圖呀...

咦！呢個海鲜排我去過喎！

有無 皇上出宮圖呀...
最強幻象 發表於 2010-10-4 16:59

                               
登錄/註冊後可看大圖

    咁有無貴妃出浴睇呀

.個個食完飯好次中左十香軟骨散咁.......:%14^

咁有無貴妃出浴睇呀
Calcal 發表於 2010-10-4 05:13 PM

                               
登錄/註冊後可看大圖

我無呀....大久好似有喎...

一班老死~又有魚釣~又玩得開心~再加上有細鱗陪你過
你最勁啦

.個個食完飯好次中左十香軟骨散咁.......:%14^
jasonywk 發表於 2010-10-4 17:15

                               
登錄/註冊後可看大圖

    哈哈, 你仲有條turbo片係我手喎, 要唔要睇下你個turbo有幾勁呢?