步兵>水兵>勤務兵>輕騎兵......

各位師兄師姐:
小弟想問你地玩過幾多種(釣法)?我就玩過幾種...
1.步兵
  細個時見個大人釣魚就膽粗粗走埋去吹下水點知咁就比佢踢左入釣魚佬行列勒,仲跟住d老前輩
  成日通山跑搵魚黎釣,當時真係可叫得做 步兵 年代
2.水兵
  點解轉左做 水兵 一跑得山多就開始悶 二來d釣腳越黎越少(d老前輩唔玩) 三黎見到d識既水兵
  成日都好多魚返(少年人受唔起d引誘)咁就放棄左 步兵 轉去做 水兵 :me1
3.勤務兵
  玩左幾年 水兵 後就發生左 金融風暴 沙示 8萬5 一晚由高消費者跌左落貧窮線以下2" />  邊
  度仲玩得起 水兵 但釣魚佬一日唔死個心就永遠都係向住個海既一到經濟許可就行去海邊玩手
  繩(再冇膽用咁多錢黎租艇做 水兵)但又比我撞到d玩磯釣既 勤務兵 跟住點我唔講你地都估到喇
  轉玩 勤務兵 你地一定奇怪點解磯釣叫勤務兵呢....因為竿袋,冰箱,背包,誘餌袋加加埋埋都幾甘
  仲要天都未光就要出發搶位唔勤力d都冇魚釣1" />
4.輕騎兵
  玩左2年 勤務兵 又轉去玩 輕騎兵(騎住個冰箱用輕裝備係魚排釣魚)點解又轉,問得好...因為年紀
  大和體重超標囉,話說有次上磯時隻右腳竟然冇力咁就,下柵百字...放棄左做 勤務兵 後就學人玩
  輕騎兵 直至現在都仲玩緊...:me8
由手繩轉去艇釣再轉玩磯釣又轉去玩 筏 釣前前後後都有廿幾年時間過得真快:me2

[ 本帖最後由 魚骨頭 於 2007-11-29 01:33 編輯 ]

...仲有更輕便嘅...快速應變部隊...滅矨 & 假嘢 team...可以考慮喎...SIR!!!

再過多幾年你會做左待兵,點解叫待兵,投出打沉底等魚食餌,唔須要帶咁多架生!

又再過多幾年你會做左巡羅兵,到時你只帶支手杆,及一小盒魚餌到處dun狗仔,dun老泥!過下日晨!

...巡邏兵...似前打team多d噃...SIR!!!

夠晒成隊海軍陸戰隊喇,約埋去打場硬仗吧!!

...咁...戰塲位置...係 ...SIR!!!

師兄你好去出文攪大佢喇....整返隊 香港魚樂網快速應變部隊 打返場大仗先喇

我呢d輕騎兵可以立即出動 ..............

我重有一班假利隊可以精用~~

我地d重火力投竿裝備,也可除時出發,而且還有石鯛竿重裝部隊也隋時支援!

過埋呢個星期冇咁大風諗諗佢!!