百感交集的傍晚.......

今日傍晚 , 我既舊同事兼好朋友打比我 , 佢話有D嘢買咗比我 ,依家已經係我屋企附近 , 叫我落樓收嘢.....
因為我呢位朋友收入唔算太穩定加上佢啱啱轉咗份新工 , 冇乜鬆動錢剩 ,所以我諗極都諗唔到點解無端端會買嘢比我..... 當我落到樓下見到佢之後 , 佢就將手上一袋嘢交比我 , 跟住講睇下鐘唔鐘意 ,我打開個盒之後 ,就見到一個之前好想買但係又冇買到既釣魚精品擺設 , 我問佢點解無端端買嘢比我仲要唔平架喎 , 佢就同我講 "一場兄弟 , 無所謂啦 ,你生日呀嘛 , 行開街見到咪買囉" .......個一刻我內心百感交集 , 又喜又怒.......喜係因為佢係冇乜鬆動錢剩既時候仲買份唔算平既禮物比我.....怒係佢點解係咁手頭緊既時候仲亂洗錢買嘢 ,點都留番個錢以備不時之需 , 就算係買都留番比佢自己買支新筏仔(舊個支斷咗)......之後我都唔知再可以講D乜.....於是就同佢入咗許留山飲杯嘢再送佢去搭車......