入季第一條紅魔仔 ~

今朝7點,正當我仲發緊夢既時候 ,突然手提響 !   原來係好友打嚟 ~~
佢問我去唔去拖紅鮋 ,玩2,3個鍾,但係剩係我拖... 因為佢下半DAY要同FAMILY去MACAU 玩,  
我話本來今日應成咗陪女友,既然係咁,照問下睇下放唔放人啦 ~
點知女友竟然話~~"去拖一陣啦" ~~我即刻同朋友講~~冇問題~~   
收線之後,我以極速準備好哂D嘢,打埋FG結準時到樓下上朋友架車直飛釣點 !   

下車後行咗20分鐘到釣點 ~SET 好架生之後,就開始不停咁掃駁...
其間我地吹下水兼周圍望視察場地,途中仲見到有釣友釣到好多扯旗立~  
陣陣清涼海風吹埋嚟,十分舒服~~時間亦一分一秒咁過去......但係我依然發現唔到有紅魔既踪影.....
於是我地決定再拖多陣,冇就走~~~太陽開始越來越猛 , 我同朋友照舊吹下水 ,
就係我地吹水其間中咗 !   開頭以為鈎中垃圾 ,再大力一抽....咦 ? 竿頭識震 ? 於是唔理咁多照收 ,
差唔多到水面先見到係紅鮋 ~~ BOGA GRIP 一出 ,上水 ~~~~~哈哈哈哈~  
我地即刻開心到係咁笑~雖然條魚唔係好大 , 但係我地已經好滿足