開左呢個試版一段時間之後...
雖然唔係好多師兄發表過有關玩投釣嘅心得,
不過都好多謝幾位有心人師兄傾盡所知,提供好多個人經驗!!
正如Kido師兄所講,定義一種釣法係一個痛苦過程.....
"投"呢個字實在太廣泛....我諗由有用魚竿魚絞開始,
都已經有呢個動作....可以話係用竿用絞釣魚之基本.....
各種玩法都係由此而衍生出黎...
所以本網先至有咁多種釣法版區,俾各位去專攻討論某一種玩法!!
點解要開呢個新版??當然唔係單單十狂師兄叫我開我就開...咁簡單喇..
只要有一種專門玩法喺香港有得發展及推廣,
我都希望可以俾個位置專門咁去討論,無論起源係台灣又好,日本又好,香港或大陸都好....
我參考過唔少釣魚資料及了解過香港情況...
我都同意華少所講,此版我會決定將討論範圍初定喺灘投!!
至於有關其他拋投技術,釣組及用餌討論,
就請各釣友到相關版區發表!!!
講釣怪獸對應就請到"石鯛及重磯"區,
拋路亞就到假餌區,
一般碼頭石駁沈底,無論遠近,請到"其他釣法"區討論,
如果係講古仔,就請到"魚樂台"!!
既然要分,就分得清楚D,
既然要玩,就玩得精D!!
相信好多人都明白箇中原因,
正如大部份人想Fit魷都想買支魷竿!!
但我仲未正式改版...
對於上述我所建議,希望待各位有所回應之後,
再作最後修訂,正式版先出場!! |