餌木行 - 拖到炸竿

報告篇號: 餌木行0001
====================
日期: 07年9月17日
地點: 西水後花園
時間: 清晨至下午
天氣: 水漲, 死流
釣獲: 大尾魷x2 ; 針墨x1
====================

近日游手好閒, 聽講好多人係西水後花園釣到好多墨,
所以就選平日去果度釣下墨~ 享受一下閒釣樂趣~!

我釣魚日子很淺, 好多釣魚用具都冇, 加上小弟家貧, 手上就只有一支磯竿走天涯,
同埋一支和朋友早前夾錢買來既"玩具"(5呎假餌竿, 國產)~
不過依然無阻我心情, 好勇咁天未光就去到釣場釣墨!

一到步, 最先拖既就係昨日買的藍色"墨xx客", 係好野喎, 幾野就中左隻小朋友~

                               
登錄/註冊後可看大圖

小朋友可能唔挨得咁大隻既囡囡, 一解就身亡, 我都好唔開心咁放左入袋... 同佢講我會搵佢既老前輩陪佢!!

個幾鐘之後... 又中!! 中咩?? 大野呀.. 嘩~ 勁呀~ 永遠都起唔到既巨物, 地球!!
嘩.. 大佬, 我新買架隻蝦, 唔好蝦我啦~bq22
我搞左成半個鐘頭, 先係地球既口中救番佢!!

然後就轉色, 轉一隻5號囡囡... 中一隻沙了, 不過就掉番落海..
然後, 又中地球...
咩話? 又中!!?
係呀.. 又中呀..
有船家係前面落簾呀麻... 唔近岸都唔落...


最後, 又係出盡法寶, 救番囡囡... (冇錢麻.. 隻隻囡都好重要..)
拖拖下... 聽到支竿有聲, 心知不妙.. 再拖多兩拖... 支"玩具"即時分體!! (我點用我個fd解釋好呢?)

                               
登錄/註冊後可看大圖

今日實驗左, cheap野原來唔可以拖5號囡囡...



係勁唔開心之際, 所謂做人要識變通, 嗯~ 即時用磯竿拖!!
由於磯竿長, 同埋唔受得太大既衢力, 我用左成年前買落既2.5號囡囡...

正當眾人都在悶局之際... 我拖下拖下... 嘩... 好大力!!
成支磯竿曲晒, 我以為又釣地球,
點知用左10分鐘, 拖左隻近A4 size既針墨上來, 係小弟既處女針~

                               
登錄/註冊後可看大圖

於是立即用泵養住佢!! 點知... 養養下都係死... >_< 魷魚咁難養架~ 唔通佢地唔鐘意我??bq22

最後天氣太局, 海入面既小bb又望住你而唔食餌, 決定打道回府了..

=============================
新手今日知道, 原來:
1. 平價貴價囡囡都一樣有捧場客~
2. 磯竿都可以拖囡囡, 不過動作完全唔得..
3. 針墨好好玩!!
4. 記得荼防曬!!
=============================
新手遇到問題:
1. 點解魷魚一上水就養唔生?
2. 死流係唔係會疏口d??
3. 咩動先得食? (一段跳, 二段跳, 三段跳?)
=============================


End of Report

good job!

原帖由 lcwing 於 2007-9-18 01:09 發表

                               
登錄/註冊後可看大圖

報告篇號: 餌木行0001
====================
日期: 07年9月17日
地點: 西水後花園
時間: 清晨至下午
天氣: 水漲, 死流
釣獲: 大尾魷x2 ; 針墨x1
====================

近日游手好閒, 聽講好多人係西水後花園釣到好 ...

好開心既釣行, 對於新手來說, 已經係一個好好的開始, 有關你的問題, 個人的答案如下 :-

1) 魷魚隨非你即釣即放, 否則就算你有生倉去養, 都一樣好易死, 既然如此, 就要取捨於殺還是放了, 當然這是個人喜好, 如果是拿來自家食用, 足夠數量就可, 如遇上雌性大尾魷或小朋友, 當然亦希望你能高抬貴手, 放她們一馬吧

2) 死流唔代表一定疏口, 隨流水外, 還需要配合天氣, 水溫, 個人手法等

3) 竽1段, 二段之外, 還有zigzag, 水平飛行等動作, 要視乎當日大尾魷的活性作針對性使用

原帖由 浦克 於 2007-9-18 09:16 發表

                               
登錄/註冊後可看大圖

好開心既釣行, 對於新手來說, 已經係一個好好的開始, 有關你的問題, 個人的答案如下 :-

1) 魷魚隨非你即釣即放, 否則就算你有生倉去養, 都一樣好易死, 既然如此, 就要取捨於殺還是放了, 當然這是個人喜好, 如果是 ...

師兄...請問什麼是zigzag啊...??

走z型呀............你條女.......玲子都有講既呢!

原帖由 浦克 於 2007-9-18 09:25 發表

                               
登錄/註冊後可看大圖

走z型呀............你條女.......玲子都有講既呢!

唉...我以前條女d野都係唔好再提喇...!想當年佢教我走z型,教極我都唔識...所以飛左佢喇...

原帖由 浦克 於 2007-9-18 09:16 發表

                               
登錄/註冊後可看大圖

好開心既釣行, 對於新手來說, 已經係一個好好的開始, 有關你的問題, 個人的答案如下 :-

1) 魷魚隨非你即釣即放, 否則就算你有生倉去養, 都一樣好易死, 既然如此, 就要取捨於殺還是放了, 當然這是個人喜好, 如果是 ...

謝謝師兄解答~
大尾魷"裙邊"有點的就是女, right?
下次釣到一定放生~ ^^

身上出現較圓的點就是雌, 橫間的就是雄性, 無論大小, 雌雄都放, 就更功得無量!

隻針墨頂左10分鐘?????

原帖由 leo123 於 2007-9-18 18:55 發表

                               
登錄/註冊後可看大圖

隻針墨頂左10分鐘?????

係呀...   因為我腳下成大隻山舨泊左係度落客, 同埋用2號磯竿頂, 為免誤及船客, 我用左唔少力水拉佢出落客區..... 然後再拉佢上去...

結果.. 我就俾佢既高射炮射到成褲都係墨...