淡水版一D好意見

收到一位愛好淡水嘅網友寶貴意見,
實在覺得好值得同大家分享!!
睇得出係好有HEART嘅睇法,
希望大家認真參考一吓...

全文無修正分享!!

1)釣點遊踪, 台釣好去處, 由易到難
eg.
第一站,  樂記, 第二站歐陽, 第三站臭河出事位, 第四站南生圍, 第六站水尾, 第五站天水圍陳記, 第七站錦田鄉村俱樂部.....最後玩水庫....終极是鹹塘or 碼頭台釣
(好多嘢唔講唔知, 有d人以為淨係香港得樂記)

2)台釣短片製作比賽(10mins為限)
...., 到時下一期台釣班, 你可以攞埋notebook show video...,
唔洗吓吓用口講, 視覺比聽覺更易腦入)

3)季度比賽, 一年四季篇,
( 一來唔會俾人話抄襲其他馬拉松形式...)
(綜合巳搞, 鼻涕稍後, 網紋是秋後, 白鲗是冬天, 可唔可以弄多一兩個 持續性比賽呢?)

(以年終作結, set 定來年巨非賽吧 假設, 每季搞兩場, 選最高分一場分數作結算,
(1)非易釣!(2)新手一次失敗, 可以下次翻身(3) d人熟咗氣氛更好, 唔靠活動好難熟
(4)持續性是可以使人中毒的....)

5)約腳問題
要使人知道討論區約腳不可, 活動區約腳才行, 新會員其實會混亂, 你知你個網幾多嘢睇先得嫁...每區版面均設"約腳區or 聊天區", 刪減一d小人瀏覽項目, 更可把一大堆資料性但又佔版面不少位置之物歸納到 "學習區", "資訊區",
(不化繁為簡, 一步到位, 無耐性之新人會唔耐煩)

支持好意見

網主好像約腳那欄是你今天講我才知！

精簡結構係好事

我顶

每區版面設約腳區我覺得十分好
可以唔使係咁每個人都pm
同埋有時一d唔識ge釣友都可能約到一齊

對於新人學台釣問題
我覺得網上實在太多教學資訊
但係好多時搵依d資訊其實浪費左好多時間睇埋同一樣的東西
同埋各人的釣魚方法都有分別
令到我岩岩學台釣其實都幾亂

同埋教學短片大多是國語的
雖然大部份人都聽得懂國語
但係學習的興趣一定冇睇廣東話學學片咁正

喺度我要好多謝馬田哥哥給予咁好意見!!
話說昨晚PM佢,因為佢有違規情況出現,
所以妖佢兩野,順便問吓佢有乜意見俾我,
點知佢好認真打咁大段字...真感動!!
咁嘅情況,無可能唔同大家分享,
對於佢嘅提議,我都有小小個人睇法回應...

1) 關於釣點問題,我同意要做好D,盡量為入門新手開方便之門,
但我覺得要加埋用餌資訊先至有好D嘅作用,
邊度...幾時...釣乜...用乜...
有基本參考資料,對新手有用呀!!

2) 製作短片已經列入左要做嘅項目,
早前亦提及過,無論乜野釣法,
新手入門知識係放棄用文字架喇,
希望慢慢做到目標喇!!

3) 比賽方面...
經過今年度試辦第一次台釣賽經驗,
我亦有打算明年會攪年度計分玩法,
全年包括4-5場,當然唔會淨係玩魚場,
想包括以下分站...
2-3場唔同地點,型式魚場賽(會沿用PK賽制,不過改為全體對決,上下午各一場計分)
臭河一場,水塘一場
玩開嘅白鯽牙較賽就取消,歸入年度賽內其中一場,
至於網紋賽會否都納入就考慮緊...
小弟亦會盡量構思多d有趣味嘅小比賽等大家參與

4-5) 其實過往係有考慮過各種釣法版都有活動約腳區,
不過係擔心管理工作做得唔好,
經過呢個帖再次提出黎,我亦整晚思考呢個問題...
魚樂網唔係釣會組織,有時凝聚力係差一d,
大家可能當網站係資訊收集地方多過聚腳地方,
要盡量方便志同道合釣友交流亦係十分正確發展方向,
所以我決定會由淡水版試行獨立活動約腳子版,
不過咁嘅安排就需要搵多D網友幫手做版主...
而整個版區架構亦會作更資訊個性化修改,
若試行效果良好,其他釣法版亦會作出相同優化!!

有一個事實,任何釣法要推廣,離唔開...要配合時勢,作出合適變化,
亦較喜歡將資訊整理,清楚明白咁公開俾釣友參考,
我地亦唔係釣會,亦唔會要求拜師學藝,
更唔喜歡將事情說得玄之又玄...
依家釣魚...為乜??無非求好玩,玩得過唔過癮,玩得有無型,
有感而發講兩句...小弟由開始有興趣玩台釣開始,
不斷睇過聽過唔少東西,有d亦係親耳所聞,
我只想將此好玩釣法,好好發展一吓,
如能夠在此聚到一班新一代釣手,經已十分滿足,
以上言論我無意對任何人士或組織作出批評,
如說話有刺痛的地方,敬請多多見諒!!

網主好像約腳那欄是你今天講我才知！
無名 發表於 2010-7-16 06:37

                               
登錄/註冊後可看大圖

大俠,,因為你未試過喺度約人釣魚嘛
其實咁安排係有原因,我地都係想釣友多d參與其他釣魚活動,
如果放入專版內,無玩過嘅人,未必入去睇!!
不過依家要兼顧玩開淡水釣友需要,
我唯有再諗諗計!!

每區版面設約腳區我覺得十分好
可以唔使係咁每個人都pm
同埋有時一d唔識ge釣友都可能約到一齊

對於新人學 ...
hideson 發表於 2010-7-17 00:47

                               
登錄/註冊後可看大圖

咁樣安排活動約腳就凝聚力強d,
老實講,攪新手班又好,攪比賽活動都好,
人人都希望網友多d留喺自己網站交流,
人人都希望網站人氣旺盛,我都係一樣...
要做到成績都係要靠努力滿足大家需要!!

資訊方面,我地會努力做好d,
你地要繼續而支持呀...

拍片方面,我構思緊架喇,
如果到時要幫手,千其唔好推我!!

咁樣安排活動約腳就凝聚力強d,
老實講,攪新手班又好,攪比賽活動都好,
人人都希望網友多d留喺自己網站交流, ...
naobao 發表於 2010-7-17 06:24

                               
登錄/註冊後可看大圖

有得做男優拍下片又點會推你?
係都「推」其他野啦