前晚有個神秘人打比我話今晚帶我去fit魷,我梗係即刻應成佢啦 有名師教我喎:me14 ,
咁我地今晚1行3個人去左香港某個位置試fit啦,因為我琴晚去左"發xx'情不自禁地已經買齊晒開學既用品,
諗住今晚一於去開齋啦,去目的地之後到既名師a就教我點控制枝杆同埋做動作,阿神秘人b就好努力咁擺脫
d風綁釣組,咁阿名師a教完我之後咁我就自己開始玩,而名師a同埋阿神秘人b都開始fit啦,今晚個位置實在太
好啦,因為冇其他釣友係度,我地3條友仔可以玩晒成個場,阿神秘人b fit左冇耐之後比佢中到既大尾魷bb,
我梗係唔順啦條氣,我就即刻努力fit呀fit,fit呀fit,突然間阿神秘人a就話見到隻大尾魷都幾大下既游左黎淺水
位置,當我望緊既時候我都仲做緊動作,突然間我中魷個杯係咁出絲,個刻我呆左,又再次發揮我手腳唔協調騰雞
既反應問阿名師a點算,阿名師a就話由佢出絲,當我見條絲唔再出既時候我就收絲啦,點知:me17 隻大尾魷離我
而去 ,個刻我簡直有點兒想死,我係咁大叫救命嗚嗚......... ,阿名師a同埋神秘人b就安慰我唔好咁傷心
佢地實會返黎既 ,好啦咁我繼續努力 ,後來我以為click石啦,我抽極都click底既, 咁我梗係即刻叫佢地
幫我睇下啦,點知原來係中魷,不過佢唔郁我以為click石,隻大尾魷又離我而去啦 ,跟住阿名師a同埋神秘人b都有d魷
甩下,阿神秘人b最慘,因為佢隻光管蝦蝦未同佢講得切拜拜已經游走左,希望佢節哀順變啦 ,不過今晚真係玩得好開心
,因為我終於學識點樣控制枝杆同埋做動作,而且好多謝名師a盡心盡力咁教我呢個蠢露露,同埋要多謝神秘人b今晚車我去玩同埋
車埋我返屋企, 下次我一定會post到我自己親手中既魷魷比大家睇架啦 ,死啦今次,魷毒開始深啦:me12 |