我的釣魚大事回顧@2009

踏入2010了...
唔講乜野世界大事...
唔講乜野政治經濟...
釣魚網講釣魚事,
2009...你個人有乜野同釣魚有關嘅大事??
講吓投資左乜野釣具又得,
講吓因乜釣釣法而瀨野又得,
或者同釣魚有關嘅人和事都得!!
回帖同大家分享,加分100鼓勵!!

我....我...我...投資左D青春係釣魚活動上面,
但仲未有D咩見得人既回報呀....點算呀!!!!

BUY左好多架生！
最愛０６－５３０NEW 極翔 硬調 黒鯛

2009年,對於我黎講...一言難盡...
高興嘅係,做左一D滿意嘅野出黎,受到讚賞,
做人嘅野,都係求呢D!!
我平常釣魚都係盡量小圈子活動,
可能咁樣,避免左不少是是非非,令到自己都好享受每一次釣行,
今日想Fit吓魷,就搵吓佢,明天想台釣,又搵吓佢,
真係好享受咁自由嘅組合!!
不過有人就話,咁樣無乜團隊精神喎??
咪傻喇,做人咁多年...呢D野成日講有鬼用咩,
唔駛成日掛喺咀邊,心裡明白就足夠!!
不過網上釣魚世界,就好多野都避唔到,
特別係2009年,出現左D離合事件,
哲學角度黎講,呢D都只不過係事物發展中不可避免嘅過程,
當中涉及原因簡單,但情況複雜...
任何事都係,發生在自己身上,就會明白,
他人沒發生過,你去解釋亦無用,
當然亦要提吓D辛苦野...
去年頭,因系統升級攪到個魚網超慢,攪吓攪吓又攪掂,
年中,因為唔兼容問題,成個網走晒樣,攪吓攪吓又攪掂,
年尾,無喇喇,個網除左香港之外,度度都上唔到,攪吓攪吓又攪掂,
問題真係無時無刻都會出現...
舊年最令自己及一眾手足開心嘅係,
戰戰兢兢攪左次路亞比賽,呢個算係09年最滿足嘅事!!
展望未來,希望自己盡量唔好俾D數字令到自己有壓力,
甚麼瀏覽PV值,甚麼發帖數,甚麼會員數...等等...
相信自己做好服務,其他事就隨遇而安吧!!

魚有限,釣無限...請多多放生保育,願與大家共勉之!!

2009年真係豐收嘰一年,學識左玩前打,又釣到目標魚種,最重要係識左好多打友
而真正重要嘰係比自己係釣魚界裏面,搵到自己真正想玩嘰釣法,所以2009年係釣魚事件上,值得紀念嘰一年.....

正識入筏仔行列^^ 年尾搞埋排磯^^
我的釣魚人生一個超級重要的一年

入立季到而家龜左六次好彩學咗FIT尤補返

2009年~我開始釣魚
考完試之後, 即刻同同學去左買釣具, 正式踏上不歸路...
最初玩磯釣, 後來轉玩筏釣, 買在 gama special II, ryobi 60IV, master 筏仔等釣具
係一次上排既過程中, 一位師兄借左支魷竿比我, 之後我係一個鐘內連中5隻魷, 我就係咁懶曬野, 不能自拔, 於是又玩埋Fit魷
買左支mahor craft  同 y牌餌木
以上唔係咩大事, 只係少少分享

09下半年某日再次接觸釣魚lee樣活動...再次中毒
第一次上魚樂網
做左某釣具店ge vip
fit左人生第一次魷(雖然龜左)
人生第一次釣水塘
炸左支graphiteleader
買左人生弟一卷PE
第一次見到爆叔真人...吹左好耐水
軟餌第一次開齋(石狗)
硬餌第一次開齋(seabass)
祈望2010會有更多第一次

09年係我釣魚史上好重要o既一年，最開心o既釣行就係同triggerfish兄在爆叔及各位網友支持下搞咗次柴娃娃沙灘投釣比賽。
自己則在釣魚設備方面作出了重要的投資；而家萬事俱備，只差等有時間得閒去釣魚.........

2009年偶然看到香港魚樂網,"了"起返釣魚條筋!再一次做返磯佬!

.




                    烏蠅真o係好肯毒 !!!