【手竿嬰兒】浮波 加 鯉魚籠？

剛買了一支小稻穗360手竿學玩，以往只用投竿 + 鯉魚籠 + 粉團餌

請問有無師兄有用手竿 + 浮波 + 鯉魚籠 + 粉糰波波

浮波 + 粉糰波波 這個配搭很怪嗎？
好像有點抗衡．．．一個想浮，一個想沉！

市面所見的浮波 /標都好像“Un佻鬼命”究竟買那隻浮得起那個粉糰波波呢？



感激賜教！

我都係新手
我會用手竿加浮標＋粉團，但單勾
覺得如果用鯉魚籠，舊粉一定係又重又大，咁個浮波一定有番咁上下大，我估...半隻手板啦

如果係單勾＋粉，你見到個d去左必瘦站的標都可以用到，冇問題的

有錯請見諒

係啦～我都係見Ｄ網站介紹用雙勾，因為我覺得用單或雙勾個粉糰會好快化晒
所以考慮緊用鯉魚籠得唔得～

用單勾唔會好快冇晒，只係要認清左你釣個位d魚係咩魚
用合識勾，例如細口魚用番細勾，舊粉剛剛包住個勾就好，唔好大舊，一定要佢一下入到口，如果唔係太大舊粉，佢又食唔到入口，但又擔住舊粉走，咁支標都會沉，但揚竿就會變左粉又冇，魚又冇了，就好似你咬住一舊放唔到入口的牛丸一樣，入面有勾，但你口不夠大，只係輕輕咬住個邊，人地一chork 個勾，個勾只會係個牛丸度勾番出來，但粒牛丸又仲係你口bor( 別人教的^^)
我覺得搓粉只要搓得合識，都唔會咁快溶的

其實好小人會錦配搭,多數人會用浮標雙勾黎釣

我試過啦 , 重到不得了呀 , 真係咪玩呀。

各位師兄:
             請問鯉魚籠是什麼東西,粉糰點樣搓,
             謝謝

其實用鯉魚籠加浮波，都有人這樣釣魚，不過個浮波要好似鵝蛋咁大。

各位師兄:
             請問鯉魚籠是什麼東西,粉糰點樣搓,
             謝謝
suenming 發表於 2009-10-8 20:22

                               
登錄/註冊後可看大圖

鯉魚籠即係爆炸鈎，如你未釣過淡水，粉餌袋面有寫開粉比例，例如1比8，＝1袋粉加8成水，如此類推，如餌太鬆散，可加拉絲粉，或麪粉。

再問多一個問題．．．

我見市面有Ｄ浮波係圓碌碌紅白色，
頂部有粒掣，按下後，浮波底部會突出一個小勾～

請問哩隻浮波點用架？我都未見過人用～

最搞笑問個店主，佢都話未用過～