|
大家好似無發現尼個係09年的舊帖?
其實人人都想釣大魚, 不過最終卻陷入矛盾的現實中, 所以都想分享下. 打沉底釣大魚梗要用粗野, 因為中大野無得讓, 只有銷緊磅頂邊揚邊收,
否則就是入石, 過石, 清杯, 飛樁底等, 所以起碼要用大號竿(投竿20號以上),
粗絲(40磅以上), 石雕鈎, 池仔劑仔做餌, 試問一年遇此巨物都未必有一次的情況下,
魚仔又望門興歎, 仲唔獲獲龜, 有誰能堅持下去?
萬一俾你用組幼細野中左, 主絲及賴腳搭擋過粗, 咪輚炸竿收場.如何是好? 另有建議………… 講返躉躉先, 話說10年7月某某大叔用20號國產投竿, 石雕鈎, 雞攪, 捨棄鉛, 半條池仔,
在外突碼頭與石駁中間, 投腳邊. 竿頭微動, 好似魚仔攪攪陣, 怎料是大魚含細餌,
趙都唔使趙. 當條魚掉頭想趙完鬆之際, 當然dun 竿兼飛竿啦, 佢抽, 佢頂, 佢炸竿,
斷左一半, 沿著魚絲插到魚嘴.
佢即改用手拉絲, 互不退讓, 此時我從老遠跑來看, 問: 需否撈箕? 答: 梗係要啦! 又跑回來, 魚浦頭了, 似有10斤8 斤之大班也, 旁邊的人個個話是青班.
放撈箕, 卻難撈到極, 兜尾尾在水深處, 兜頭頭有魚絲頂住, 好彩撈箕足有65CM 闊口,
網又成2尺深, 最後都成入網, 兩人齊心合力一齊上魚才上到地面, 放在地上一看,
是條超20斤的黃皮花尾躉(後說回家過磅有26.5斤),他CALL友人拉車仔叫貨VAN來取,
剩來破網變型撈箕架一個, 撈箕身幾乎收不回. 其實撈箕是我隊友的, 用之前又見唔到佢無得問下先, 夾在中間, 幾經討價還價,對方補80大元賠撈箕架. 還喃喃自語: 無撈箕都可拉石級位上…….
此時發覺平排另有2人用同樣方法作釣, 也有撈箕, 不過全程做引形人….. OK OK KEY POINT 係黃昏夜水釣腳邊, 分分鐘中大獎, 但中魚7成是上天安排及魚的選擇, 上魚卻要有7成技術及架生才可, 佢個7成運, 我有份俾架........ 及後, 講起在該釣位附近, 較早時巳經有人在石駁, 中條30斤的, 但合兩人之力,
尚走不出過石斷絲的悲慘結局.
再及後, 又在麗城聽一師兄咬牙切齒地說, 走了條2-30斤的青班,
我估都是同一水的躉躉, 因為離遠黑黑的一條班樣, 係人都以為是青班,
那敢侈想是花尾.
又再及後, 又聽說在同年11月, 在起躉躉位, 又有人打沉底起條30幾斤的. 大家看到此處, 當然滿心狐疑, 那來這麼多躉躉呢? 依據食躉大叔所講, 當時在芝麻灣有一船隻, 裝滿躉躉, 及後沉船,
聽得人半信半疑, 直至年底, 與該水域的水警閒聊, 談到此事,
其中一個肯定地說沒有沉船之事, 更直指是該處的魚排走籠之固.
請左甘多, 純字仔, 好似無物力水吧?! 去相…………
啊, 好似我的腳毛多的的河 | 
顯身卡
放生係好事,,圍住生船落網真沒人格
好垃圾d落綢網艇
