ygz1992 發表於 2012-1-8 02:13
首先,多謝閣下在百忙中撥冗回覆小弟的問題。
對於閣下解釋小弟被警告一事出於系統故障,證諸事實, ...
版主向你發出嘅提示,我已經同你解釋得非常清楚喇,
乜你無睇呢個帖??前因後果係如何,難道你睇唔明白??
唔係故障!!我再講一次,係將以前嘅警告功能改為提示功能,
通知左佢地後,咁D版主咪用囉,佢地鬼知對方收到嘅短信內容可以有"警告"兩字未改,
佢地都未收過"提示",梗係唔知喇,果個帖我一早講左可能會有呢個情況發生,
係唔係呢D咁芝麻綠豆嘅小事都要咁樣黎小事化大再化大呀??唔知..仲更乜鬼野正呀??
我上面回帖已經講左係我嘅責任喇,已經就呢件事向你致歉喇,你咁都唔滿意??
無人唔俾你抗辯,我地咪叫你過黎出帖投訴囉,我依家咪三更半夜喺你訓緊覺果陣詳細回覆你囉!!
我真係好Q勞氣,講你又唔信,成日覺得我係老點你,
你自己去Download個Discuz番黎自己安裝,再去改個警告功能黎睇吓,
唔好睇得人地做嘅野係想當然咁容易...
版主喺咁嘅情況之下,發左一個短信俾你,內容有佢唔知嘅字眼,又有幾大問題呀??
大家講通吓咪得囉!!明白事理嘅咪體諒吓囉,體諒吓都唔係好難啫??駛唔駛要攪到咁呀??
撫心自問,我自己攪個網真係攞黎衰,我都唔知點解要不眠不休去做,去滿足你地嘅需要,
換番黎係乜??就係為一D雞毛蒜皮嘅事就嘈...嘈嘈嘈嘈嘈嘈嘈到個網玩完先至開心...
各位版主都只係義務幫手,佢地唔係我呀,盡左義務就好好架喇,
唔好話呢件事上面無處理出問題,就算係有呀...我一個回應就已足夠有餘!!
如果扣左第一次分,同一帖第二次就會加量,再一次話唔埋扣一萬分都未定...
我引述你咁多個例子,你覺得仲唔夠??
我係指出一個事實你知,一段短時間內...有咁多次例子出現,
請問你又如何解讀呢D現象??
如果按照你睇事物方式,唔係你有問題就係他人有問題,
甚麼叫做以偏蓋全??如果我只以一件事去定你嘅對錯就係以偏蓋全!!
我好想知道,基於咁多個事例之下,我應如何理解你先叫做公平??
你只以自己咁多個回帖去睇出問題嘅比例,你當然覺得濕濕碎,
我話你知,現實條數唔係咁計架!!有問題嘅說話就係有問題,
難道你回一萬個帖,有五仟個出口傷人,先叫做有問題??
你我都唔係細路仔,唔好玩數學問題喇...
大家都係思想正常嘅人,不如諗諗自己溝通方式係咪有欠妥當,
有嘅...咪改變一吓囉,無人係聖人,包括你同我!!
如果真係覺得魚樂網D人有問題,咪唔Q再同佢地溝通交流囉!!
咁短時間之內,有咁多次出現不愉快討論情況出現嘅,你係第一人,
唔係話你完全唔啱,亦唔係話眾人皆醉你獨醒...
我唔係話你對或錯...係話你個人網上溝通出現嚴重問題!!
|