原帖由 leoncody2639 於 2008-6-21 15:55 發表
爆叔!我有個問題想問你好久,分釣版是主要以技術,目標魚種,還是以釣具衡定是屬於那版呢?
因為我一直以來發覺到這問題存在,例如灘投釣魔鬼,你以目標魚而定放在石鯛版!灘投假餌,你以釣具而定放在LURE版,至於投釣魷魚你 ...
你個問題,答案其實好簡單...
網站係舊年開始運作,所以所有專題釣魚版嘅設立,
係按依家香港玩開嘅標準設立...亦係按大部份釣友所理解而去分類,
係以最常見及最適合嘅情況去討論,
我明白你嘅問題喺邊度,我唔拉咁闊...我集中解答你三個帖嘅問題喇,
無論任何釣竿都可以用喺釣魚上面,
無論任何釣餌都可能釣上任何魚(當然喺咸水入面係釣唔到淡水魚)
無論任何釣友都可以用任何喜歡嘅釣具去釣任何嘅魚,
呢D情況係絕對無所謂,我成日都強調釣魚係玩之嘛,好玩咪得囉,
不過...記住...呢個只係個人自由,
至於推介俾其他人,或者去教人,就唔同喇...
最少都要符合一D基本標準,
適唔適合...同...可唔可以玩埋...係完全唔同,
一D可唔可以玩埋嘅問題,我係唔提議去主力研究,例如...
筏仔點玩假餌,
前打點中魔鬼魚,
手竿Fit魷....等等...
都係果句,
如果你用投竿,就主力去發揮支竿點投就夠,
如果你中意又唔怕辛苦,係可以用黎玩假餌玩Fit魷,
不過講D事實過你知,
餌木就咁拖...除非活性好高...同埋個底好乾淨,否則都係得過攪字,
玩Lure都係,要不停做動作架,唔郁係無魚追架,
日本仔D野,你唔好信晒...大家環境唔同!!
我將你三個帖轉位,
就係要大家用合適嘅角度,合適嘅標準去了解吓.
至於投竿點樣上怪獸,我知你係用Shimano投竿,
我認真建議你寫信去Shimano問吓佢地生產嘅投竿係咪適合釣怪獸!!!
或者我代你去問吓周生都得!! |