SOS - 拯救海洋大行動

其實在以上地區禁止商業捕魚活動, 禁止用網簾魚, 我地各位釣友用一個單勾, 一日可以釣得幾多魚丫!

只要各位釣友自律, 盡量保持釣場清潔, 不亂拋垃圾落海, 不夠Size的小魚放生, 咁樣已經可以做到保育o既效果

再激D, 最多發釣魚牌照, 用牌費o既收入黎搵人定期清埋海床 (同我地執返D戰死左o既囡囡 ), 放人工魚礁等等, 政府立法各魚種o既最低法定可食用Size, 咁己經非常有效!

如果將成個西貢牛尾海列為禁捕區有D嬌枉過正囉! 正情係離譜!

其實好多釣魚人..都各自為政
大家可否橅心自問..有多少人曾為保育..環保盡過力
很多時..只着眼面前的利益..冇諗過將來如何
當現在..話要禁釣禁補時..因為有損自己利益
才大大聲聲反對........我真的覺得無話可說
如有得罪各位..請多多原諒

鑑於康樂捕魚活動亦能嚴重削弱漁業保護區內的魚類種群復育能力,因此除了在如人工海岸線等指定範圍外,當局應禁止市民在禁捕區內進行休閒垂釣捕魚活動,讓禁捕區能真正惠及大眾。

其實係唔夠位釣

或者大家諗下有無方法,令個條禁釣變為限釣,又或者縮少禁釣範圍,
貓貓會同釣魚界得到共識,我0地改為全力支持佢,
而令佢0地達到呢個禁拖網0既效果,呢個就可能係最完美結局。

(以上只係我作為一個釣魚佬一廂情願咁諗)

不代表公司、業界立場。

原帖由 anglerboh 於 2007-12-12 18:37 發表

                               
登錄/註冊後可看大圖

其實好多釣魚人..都各自為政
大家可否橅心自問..有多少人曾為保育..環保盡過力
很多時..只着眼面前的利益..冇諗過將來如何
當現在..話要禁釣禁補時..因為有損自己利益
才大大聲聲反對........我真的覺得無話可說
如 ...

水神星人,今次輪到你做我肚裹條虫啦.我要講既都俾你講晒啦.
無錯,大家來來回回都係以釣魚為大前提.對於水神星人上面所講既野做左幾多姑且無講.
淨係講各位釣友用一個單勾, 一日可以釣得幾多魚.而又係咪真係無關痛癢.
我地每次出去釣魚,淨係講前面畫左要禁既區域.
你估釣魚人士每日消閒釣魚既魚獲多,亦或漁民維生落網既魚獲多?
人地維生既就要禁,消閒就要保留?我每日經過西貢碼頭,有一班只靠小艇近岸作業為生既漁人,好明顯,哩班人有幾多次有好魚.我數得出.
你地有幾多次磯釣/艇釣果陣見到D漁民起網果陣有魚呀.(唔好話多過你啦).我撫心自問,我中魚多過見到佢地個網有魚.
佢地好多時係西貢小巴站越華快餐食早餐,聽佢地聽網到一兩條斤零兩斤黑沙已經歡天喜地,我地仲要爆冰箱...唉.
無錯,佢地落網變鬼網唔啱.但我地掛到底既斷絲,磯上俾人遺棄既子母線都一樣係鬼絲.斷既姣蝦,假餌.....都唔少呀.

對唔住,我係西貢長大,由細見到D漁民既轉變到大,佢地有幾悽涼,你地未必明白.佢地唔識保育,明知殺雞取卵係死路,但唔取卵就死梗.可以點......

唔係想去爭拗,只係希望大家放眼望將來.

呀..鬧爆叔,突然間諗起D無聊野,唔知你有無辨法做到呢??就係....
計下香港魚樂網開台到而家擺上來既香港水域魚獲相總共有幾多條魚...死未!哈哈.
結果唔好公開呀....

原帖由 朱記 於 2007-12-12 21:50 發表

                               
登錄/註冊後可看大圖

呀..鬧爆叔,突然間諗起D無聊野,唔知你有無辨法做到呢??就係....
計下香港魚樂網開台到而家擺上來既香港水域魚獲相總共有幾多條魚...死未!哈哈.
結果唔好公開呀.... ...

要計,我都無辦法
不過關於你講魚民嘅一切.....全部都係事實!!

其實我有一次跟漁民出海作業既經驗.  我覺得漁民攞魚係天經地義, 如果唔係點叫做漁民, 點樣生活
最大問題並唔係佢地去捕魚,攞魚.  問題係佢地既意識, 佢地完全無持續資源既概念, 個網有咁大得咁大, d網眼有咁細得咁細, 連個d魚毛都唔放過, 咁咪出事囉!!

睇返我地釣友, 我地係唔係都應該反思一下, 我地對魚源保護既概念, 係香港, 可能因為係一個魚類繁殖地  不論邊種釣法, 好多時都係去釣一d因要繁殖而埋寨既魚, 係咁情況下, 攞一條可能係謀殺左幾百條魚仔喎  所以如果每個釣友心裡面都有Catch & Release 既意識, 又可以堅持, 咁可能會係另一保育魚源既方法   當然去攞條返歸食, 係無可口非, 但係如果係攞來派街坊攞威 咁就係要反省下啦.  請各釣友撫心自問, 對魚源同環保出過幾多力, 如果唔多, 咁就又今日起做多d  如果成日做, 咁就要keep住, 繼續努力  

LET'S protect our FISH and ENVIRONMENT.

不過講事實喇...釣魚你真係釣得幾多呀??
海洋資源枯竭呢家野,真係三言兩語可以講得晒咩??
水入面環境唔受破壞唔受影響,咁就可以單講捕足問題影響,
如果唔係咪即係變成保護D死水.....
送個病人去療養院就有用...
送個死人去療養院有咩用??

原帖由 ben 於 2007-12-11 16:20 發表

                               
登錄/註冊後可看大圖

早排有師兄post過香港某政黨做過調查,休閒漁業條數一年係講緊幾多過千萬,養活住唔小人...
所以我就支持:釣魚要攞牌,規定可以攞走嘅每一種魚的大少,數量,同係咪產卵期....好似水塘牌咁除左教育之外,出吓d poster貼係 ...

...喺休閒釣魚活動與保護海洋生態中取得平衡...認同...以上係一個較佳方法!!