係咪真係咁狼死呀？

先睇睇釣獲相
（手機無閃光燈，映出來好朦，請見諒）
鱸魚兩條，牛屎、紅鮪、芝麻斑各一條




再俾個數學問題大家唸唸
兩個人釣魚
我中4口
我朋友中兩口
大家都無斷無甩
但係只得5條魚釣獲
請問點解呢？4+2=5???
欲知答案可詳閱下文


話說本來朋友約左星期五晚釣魚
但係佢唸唸下國慶日放煙花
四圍都唔釣得
散場d船浪又犀利
根本唔駛釣
於是就改話星期六晚先釣啦

今晚九點半左右
朋友同我先後到達釣場
我第一隻蝦落就俾隻老墨攬住
我慢慢引佢上水面
但係朋友開到撈箕前
佢就己經放開左隻蝦
跟住我勾過隻蝦
轉位再落又一隻來攬
今次撈箕已開定
引到水面朋友一撈入網
十兩重左右（似乎今年墨魚又大造，四圍都有，過多一兩個月有兩斤以上就好好玩喇）

到十點半左右
剛剛開始有少少漲流
我先中一條牛屎
於是即刻叫朋友過來我個位釣
我就開魚扣養好條魚先
朋友走來就係我中魚個位落絲
落到去隻蝦就係咁跳
但係始終無魚食
我養完魚就返來釣
因為朋友仲釣緊個位
我就係同一條樁既另一邊落
（即係我朋友係條樁既左邊流入去釣，我就係條樁既右手邊落絲）
點知我隻蝦一落到去
就接住我既
但係今次只擔住行
我就俾佢食，佢都唔食
行幾步就吐返隻蝦出來！
既然知道這個位有魚
於是我同朋友都繼續係度"捕"


過左一陣，突然見到朋友支竿頭爽落
雖然隻眼望住佢支竿頭
但與此同時我隻手都感到自己支竿"達"一下
跟手支竿頭一直"巒"落去
兩個人差唔多同時間抽竿
朋友仲係度話"兩個一齊中魚，邊個撈魚呀？"
我地兩個條魚都唔細
要讓竿讓絲收收放放
但係放多兩下時己經發覺唔多對路
點解我一放絲朋友就收到
我唔放佢就好似收唔郁咁既
那時我以為係佢中左魚，
條魚飛左過來搭埋我條絲，
但係因為我地兩個條絲中間仲包住碌樁
所以變左好似我同佢係度鬥拉拉扯扯咁
於是我就即刻放絲俾佢收啦
好快條紅鮪就上左水
佢自己撈埋上黎
但佢都仲未知咩事
問我"你條魚仲未上到黎呀？"
我話"係你搭埋我副絲呀！"
佢都仲係度話"無呀，你條絲係邊呀？"
我話"咪係度囉"，跟住拿返條絲，
追返望撈箕裡面條紅鮪
竟然！竟然原來我個勾都係勾住條魚既同一邊咀角！
原來我都真係釣到佢架！
佢竟然係咁狼死
一衝埋黎就連砌兩隻蝦！
搞到我地兩個人釣到同一條魚！


搞完條紅鮪後
D流就越來越急
我中多兩條花鱸
（亦估唔到d花鱸大得咁快，上次黎見只有半斤size，只係一個月時間己經有兩斤幾size）
朋友就中多條芝麻仔
一點鐘收工！

哇~乜條魚咁餓咩
連食2隻蝦....

精彩生動既文章!!!!!!

ching恭喜恭喜好多收獲

先睇睇釣獲相
（手機無閃光燈，映出來好朦，請見諒）
鱸魚兩條，牛屎、紅鮪、芝麻斑各一條




再俾個數學 ...
RGiggs 發表於 2010-10-3 04:33

                               
登錄/註冊後可看大圖

呢條魚咁邊個拎走？
一個要頭一個要尾？

好勁阿：）

恭喜哂，又有餐餸.....:%14^

呢條魚咁邊個拎走？
一個要頭一個要尾？
TEN69 發表於 2010-10-3 10:33

                               
登錄/註冊後可看大圖

    我就話正面中間砍開公平d啦

呢條魚咁邊個拎走？
一個要頭一個要尾？
TEN69 發表於 2010-10-3 10:33

                               
登錄/註冊後可看大圖

我釣魚都好少拎魚走
除—非真係釣得好多(好似上次同你釣黃腳咁）
今次一條都無拎
全部個朋友要晒！

好魚,
弓喜ching