大尾獨行-好曬的大塘

       本來諗住早d起身，點知醒極都醒唔到，訓到十點幾先起身，沖左個涼就碌左去大尾督，十一點...好耐冇試過咁遲。

       丫平今日竟然冇帶帽，原來佢定帽趺鬼左落水。唔知做咩果度隻衰狗(唔係小白)近來成日都吼我，下次我再去佢就知死，等我放舊燒肉係地下，放果個位要岩岩佢條狗帶拉到盡都仲差小小先食到舊燒肉。依d叫有得睇冇得食，做狗最痛苦都莫過於此。


       入去大塘坐定定之後覺得有d唔對路，成個塘不斷沙沙聲，原來係d魚上曬上層，不過唔係冇氣慢游，而係好精神咁跳來跳去，眼見鯉魚鯪魚大頭塘「失」係咁跳(咁當然唔會見到有條大非係度跳啦)，我就決定開杆唔釣底先，唔用搓餌住，釣半水開拉餌試下咩環境。

       我終於人生第一次有因應魚情改變釣法啦。係短短2個小時入面，都有不錯的收獲。



依條臭鯪在水底扮石，等我有幾秒以為kick左石





冇咩鯪上到，依條都算今日最大土鯪

依條其實好鬼大下,點解係相到睇好似唔多大咁?

依條仲大，過35cm








這條是鯉魚嗎?樣子怪怪的和平時上的鯉魚有點不同?



咁樣起雙飛法有d唔係咁爽.......



        一路以來跟住到左下午就出事啦，本來上午都好好地，雖然都一樣有毛毛非但係都有個限度(我仲以為係因為我用左新餌，可以唔會引到太多毛毛非...原來係我太天真，d毛毛非未起身炸)，但係一到下午茶時間d毛毛非就好似約定夠鐘出來咁，所以拉餌就用唔到嚕，半水又開始冇咩環境，只好開番搓餌。
   
       就係咁樣，又要同毛毛非仔做朋友，玩多一陣以經keep住比小魚頂到高過調目2目有多：變陣！！大標+硬餌+大餌+調標方法+出杆方法+餌上鉤的形狀通通做到足‧‧‧都係瀨曬野 ‧‧‧一怒之下再改做鉛皮坐立底釣法，餌係就係一定可以到底‧‧‧不過等好耐先有訊，但係都叫有魚上下。

部份釣獲(本來想試下一次過排曬全部魚出來，但係排依幾條大佬已經搞到我暈暈地...放棄)









試下新餌
       上星期去左樂記夜釣，諗住買包白鯽餌入去試下拉餌釣網紋，賣魚餌的老闆介紹左依包野比我，話係新野(仲要44蚊！ )，由於我跟本唔知白鯽餌應該有d咩，咁就買住來試下先。點知下午4點幾天未黑去到樂記，用花生夫條條都係大非到巨非，釣網紋的心情當堂放埋一二面。

       依包野唔多香，淡淡地咁樣，今日去到大尾我就忽發奇想不如試下淡香小腥沒添加劑，用依包「新咩q」加小小速攻同極小綠袋，本來以為得左架，的魚仔真係小左好多，點知原來又唔係，下午出番曬來。

新咩q，44蚊一包，聞一聞d味同一條樹支的味冇咩分別，都唔知點解值44蚊




凝冰可樂

       可能我太過落後，依家先發現到原來大尾個巴士站賣緊凝冰可樂。不過十一蚊一支都幾貴下，勝在過引。


大尾巴士站氣水機

先開樽飲一大啖，再反轉支可樂

即時見到有冰係可樂入面

丸九日鰂餌個賣點係狀態....味道係次要

釣完魚(隊)一支冰凍可樂...爽呀

丸九日鰂餌個賣點係狀態....味道係次要
eddie_T 發表於 2010-7-15 00:45

                               
登錄/註冊後可看大圖

丸九介紹
    「最适合放流后的新鲫。可广泛对应大型至中型鲫。集鱼力高,用于半浮钓效果超群。搀和性优良,用在河流、水库垂钓效果也很好的麦蛋白饵。」
新鯽即係咩呢?
原來釣浮效果好
唔掛得早上我浮釣咁好境啦

釣完魚(隊)一支冰凍可樂...爽呀
和仔 發表於 2010-7-15 00:50

                               
登錄/註冊後可看大圖

    你唔覺釣完魚行入大尾督收銀果度好爽架咩?「冷氣是最好的朋友」

我喜歡體內冷卻多d

我上星期日都去左大尾！
同你一樣早上都係不錯的收獲，
到中午12:00pm後就出現非Ｂ黑球！
任何大標,硬餌,大餌在轉特大標,特硬餌都係死路
最後走左去細塘釣，用凍餌作釣！非就影都無
只有不停中鯉魚

細塘d非係小d呢
我想問下
如果去到見到有個人
份餌紅紅地色丫,格2個位都聞到d腥味果d
你坐佢格2個位開淡香餌大標大餌打慢窩
會唔會小d非仔呢
話曬有人頂住丫a

本來諗住早d起身，點知醒極都醒唔到，訓到十點幾先起身，沖左個涼就碌左去大尾督，十一點...好耐冇 ...
hideson 發表於 2010-7-14 23:59

                               
登錄/註冊後可看大圖

我中意你支可樂

回復 1# hideson


釣網紋要用198魚餌架,,, 花生伕釣, 羅非餅餅大!!