南油差唔多龜之行 <<加了相>>

五月七出發，五月九走，實際釣得一日一夜，日頭去大油船邊釣左幾個鐘，成船人得三兩條班仔，之後轉沉船排，但隻船成日定唔到位，好小時間定到係沉船排，所以都係無咩魚，最後去到番愚井，釣到好多雞魚，全船得三條幾斤到十幾斤的章紅，紅油都無一條，唔係有雞魚都好多人食白果，但最可怕係，船主坐艇仔，係你周圍釣，睇住佢一放就有，一個人都釣左廿幾三十條章紅，全都過十斤，多數廿幾三十斤，還有四五十斤，十幾斤紅油都差唔多十條，黃鰭都十幾廿條，我就第一次去，釣得三條雞魚，因為我唔想釣雞魚，但我用生餌又底到面面到底都係無魚食，玩jigging都係得d魚仔食，有一口飛到十幾米遠，又弓回十幾手，諗住無死，又發力130磅腳似被咬斷，個船主話都唔好意思話我地，成海都係魚，唔知點解你地釣唔到，就係咁幾條雞魚回家交代，蒸左一條大，無想像中咁好食。

南油都龜,,,好大獲WOR..............

船主喲魚歸

有無相睇下呀?

嘩,,,咁咪賠晒大本....可憐

釣魚就係咁,一海都係,人地釣到,自己釣唔到......真係有好多因素,不過,第一次出南油當然有好多期望啦,我相對呢度好多師兄師姐在第一次出南油o既時候都有唔同o既期望,準備功夫都好緊要架,同埋有冇一個有此經驗o既師兄帶一帶,真係爭好遠架;在我第一次出去時,有一個成日去南油o既師兄同我講:"你第一次出南油,唔好剩係睇中左幾多,釣到幾多魚,係應該睇下自己鍾唔鍾意玩呢樣野,同埋頂唔頂得順d 風浪,,最後加上若干次數,同吸取各人之經驗後,加上實戰鍛鍊,到左最後,你就唔會在釣果的多少去定呢次行程是否好玩,或者失敗",哈哈~~我聽完之後,再分析過他的說話,真係幾有用架!我而家都出左十幾次啦~~~~

南油都龜,,,好大獲WOR..............
KL` 發表於 2010-5-10 12:57 PM

                               
登錄/註冊後可看大圖

一D都唔出奇!

回復 4# joesiu


    有呀，我影左好多相同片，放左工得閒先貼上來啦

回復 6# herbee

問題係全船都好多人好有經驗，只係我覺得大船收獲遠差過小艇釣，因為大多釣組只可以直上直落，放流的話好易同格黎炒粉，機動性唔夠

回復  herbee

問題係全船都好多人好有經驗，只係我覺得大船收獲遠差過小艇釣，因為大多釣組只可以直上直 ...
快攻仔 發表於 2010-5-10 17:26

                               
登錄/註冊後可看大圖

其實就等如我地揸架單車同揸架大巴去泊同一個大小o既位一樣,都唔係我地想像中咁易架!!?? 其實我唔係幫船家講說話o既,因為佢o既能力令到你或者其他釣友都釣唔到魚,最後的受益人會係邊個呢? 因為釣魚唔係釣一次o既~~~係唔係?師兄,其實南油釣魚的圈圈裡不是很大,有時真係要大家磨合一下先得架 ......除非有些心術不正的人士例外啦~~~~