冇怪獸, 中條良型都足夠

近排見人地中埋D怪獸又入石又爆扣咁, 心癮又再起, 於是尋日晚黃又去拖下先.
4:00pm去到釣場, 水又清, 陣陣東北風吹埋黎有D涼意添, 心諗今次冇紅鮋啦...
水位退到0.8m左右, 唯有拖隻IMA Sasuke 140超淺潛.
水淺咗可以拖到貼底, 希望可以中斑啦.
5:00pm, 拖咗差不多半條壆,  開始行流, 水都濁晒, 係時候啦.
拖到一個渠口前, 隱約見倒一個小紅影追過隻假餌....
於是再拋多野, 拖慢少少, 睇住條紅鮋仔衝上黎食, 中!
得嗰30cm就食140mm假餌!? 惡得你丫....

解勾後快快放生.

Bye bye!

繼續拖, 點解隻假餌好似唔多識游嘅?
死囉, 原來爛咗舌板, 要退役啦....

換上K-Ten BKF-115粉紅頭白, 冇啦, 成盒入面最淺依隻...
拖拖下kick實咗, 大力彈下佢先, 甩咗! 咦? 點解又唔識游嘅?
我頂! 又多一隻要退役啦....

激鬼氣, 換隻從未中過魚嘅Maria Angel Kiss啡金色先.
依隻假餌屬於淺潛, 動作好靚, 又好好拋, 但我自己覺得買錯色囉, 所以好少用.
一下long cast, 收咗兩圈, 強烈嘅搶手袋式食法, 一抽! hit!
一頂, 力量唔細, PE又再發出切割水面嘅聲音, 嗯, 良型size呀....
竿尾夾係腋下都唔多夠力頂, 心諗唔對路啦, 篤係盤骨位硬頂!
短短10秒左右就上水, 50cm 4lb, 紅卜卜呀~~

好彩有路人幫我影合照.

拖埋個壆尾, 差不多7:00pm, 天就黑, 又開始大咬啦....D蚊...
2 hit 2 get仲想點丫, 都係快快脆脆執野走人啦.

勁呀....2hits....2get.....

師兄又有鮋中     勁呀
仲有12日就考完會考la   好期待   好想快D攞枝竿去開光呀!!!!!!

勁呀....2hits....2get.....
kam123 發表於 2010-4-28 11:08

                               
登錄/註冊後可看大圖

好彩啫, 多謝多謝....

師兄又有鮋中     勁呀
仲有12日就考完會考la   好期待   好想快D攞枝竿去開光呀!!!!!! ...
nick_leung12321 發表於 2010-4-28 11:15

                               
登錄/註冊後可看大圖

紅鮋好易拖架咋, 其實拖鱸仲難啦.
祝你好運啦, 12日好快過.

湯版主真勁 ! 又中多2 條鮋 ,我真係拍馬都追唔上 ~

湯版主真勁 ! 又中多2 條鮋 ,我真係拍馬都追唔上 ~
燕歸人 發表於 2010-4-28 11:37

                               
登錄/註冊後可看大圖

唔好咁講, 紅鮋杯都未開始, 依D中咗都唔計數嘅.
你拖東水嗰邊一係唔中, 一中呀....好X大餅架...
我兩三條都唔夠你一條啦.

真係好想跟湯大拖番轉主場~ 我都成日係果度出沒~不過就硬係唔知位

邊到黎O家.....咁好環境

唔好咁講, 紅鮋杯都未開始, 依D中咗都唔計數嘅.
你拖東水嗰邊一係唔中, 一中呀....好X大餅架...:fo ...
arcticwind 發表於 2010-4-28 11:43

                               
登錄/註冊後可看大圖

湯版主你真謙 ~~
我都有拖過西水個邊 ,不過都冇你咁好彩 ......
水漲好d定退好d ?