又一條友on99去的石狗續集

早排由於工作既關係,攪到冇時間釣魚...個人做到身心疲累又捱病咗.... 早幾日先好返9成
前2晚又瞓得唔好,一晚醒幾次.....攪到個人好燥 ,前日見冇落雨,天氣又唔太差,一於出去釣魚發洩下
本來想搵人一齊去釣,但自己又心情唔好,費事影響到人地釣都釣得唔開心,最後都係決定自己一條友去算數
大病初瘉,都係玩下小物吧,於是執好架生一條友踏上征途  去到第一個釣點已經差唔多成12點幾,
見仲行緊流,即刻 9秒9 SET好架生拋第一槍 ,條膠蟲到底後當我收緊虛絲之際,竿先即時 "拱拱......拱" !

一抽~~~~中呀 !收幾下一彈上水 ,普通SIZE石狗一條 ~

之後第2槍又係咁,一抽實哂.....咁重既 ? 收到上嚟一睇.......不禁講句~~~ !!!  
成肚都係春既蟹一隻,影完相一下掃把腳掃返落海~

之後拋多5槍,條膠蟲到底一的就中~佢打咗2下冷震就上咗水 ~

跟住掃哂成條駁都再冇嘢咬.....但又心有不甘,冇理由就咁返屋企架,於是決定再去第2個釣點

去到第2個釣點,有D風同有D凍,不過都唔理咁多照釣~~轉另一款膠蝦仔一路掃駁 ,
掃咗成半條直駁先中佢,膠蟲一到底拉竿,出咗一下drag  

放咗先記得未度尺,應該有15,16cm ~

之後流水慢咗落嚟,再掃咗一段其中一槍未到底就"拱拱....拱" ,杯都未拍即抽,2 秒上水~哈哈哈

又再拋多4,5槍 ,跟住就出現全日焦點所在,條蟲落水2 秒條絲就爆住去 ~ 即刻拍杯抽竿,跟住佢就爆咗3下drag,

一路收到見影再爆2下,再收多幾下一彈上水~~好紅既斑仔,但又唔係紅斑.....真係唔知咩斑 .....

小弟才疏學淺 ,第一次的中呢款斑 ,唔知有冇邊位師兄師姐知道佢叫咩咩名呢 ?
跟住女友放工過咗嚟搵我,咁就玩多幾槍先走啦,行到一個梯級位,女友無啦啦叫我試下拋埋梯級邊睇下有冇
既然佢開到口,咁就拋埋去試下啦,條蟲到底跳2下就中咗~~爆咗2下drag仲幾肥仔 ,但又唔記得度尺..........

見有料到於是再試多槍,到底之後竿頭輕輕"拱"咗4,5下就大力"拱"落去~~
一抽輕飄飄既 ...? 唔洗2秒上水 ,oh.....狗B一條......

之後就收皮同女友去食飯LU~~雖然唔洗打龜但收獲差D.....希望下次可以中返多D啦 ~
以上所有魚獲全部放返哂落海 ~

果條班.....

狗狗爆drag真係好正

無睇錯係紅斑,
斑細時同大有分別.

釣魚能E百病！

ching你都几大火气喔钓鱼之前，不过钓获令人羡慕啊。我之前都病了2个星期。

好返之後要爆釣呀!!

如果有魚缸  條班用來養都唔錯!

咪幾好可以得閒釣下魚, 個人叉下電.....

果條班.....
gunkingking 發表於 2010-4-18 00:50

                               
登錄/註冊後可看大圖

師兄 ,個條斑有問題.....?