心血來潮, 又中返條

復活節假期個個朋友都過得精彩, 而我....唉....日日做到冇停手...
假期完咗我先得閒,  見今日天氣回暖少少, 就去碰下運氣啦.
3:30pm到達釣場, 見水又清, 有風又有浪, 今次都係龜硬架啦.
拖咗差不多2個鐘, 行咗條石壆起碼8成, 一D生命反應都冇, 預咗啦.
打橫一下long cast, 隻假餌收到腳邊, 突然一個紅影撞一下, miss咗!?
換咗幾隻假餌, 都係唔肯咬,  都係繼續掃埋條壆啦...
既然miss魚, 心諗一定係水仲未夠熱, 活性偏低...
經驗話我知對活性偏低嘅魚, 用細D嘅假餌同埋收慢少少都有幫助.
於是換上K-Ten BKF 115 (平時用開140架), 拖返慢D, 繼續掃壆.
就快拖到盡頭, 一下貼邊long cast, 慢慢收....
突然, 搶手袋咁一啖食埋黎! 一抽, HIT!
見條魚力量唔差, 我亦唔讓步, 快脆篤係盤骨位急收.
唔駛3秒見魚, 紅卜卜架....
上水度下秤下, 45cm 3.5lb, 都幾肥仔wor.

我心愛嘅K-Ten BKF 115 粉紅色又建一功,  上年已經中過6lb青班.

唔該晒路人小姐幫我影人魚合照. 喂! 你做乜變晒白色架?

放魚後行返轉頭拖多陣, 見天漸黑, 又唔駛打龜, 6:30pm提早收竿走人.

一出動又有收穫~~~好犀利~

係唔係條魚見到路人小姐怕羞,D血去晒第2度~所以變晒白色AR~??

點解會變色o既?師兄,佢係唔係死左呀?如果唔係放生都無用

犀利!!!

點解會變色o既?師兄,佢係唔係死左呀?如果唔係放生都無用
kky_king 發表於 2010-4-9 23:20

                               
登錄/註冊後可看大圖

條魚唔係死左 ! 好多時D魚受左驚就會變色 !
拖到過紅鮋ge釣友都會知 !

心血來潮, 想中返條,拖幾次都無!

我都想知點解會變左白色

條魚唔係死左 ! 好多時D魚受左驚就會變色 !
拖到過紅鮋ge釣友都會知 !
man2002 發表於 2010-4-9 23:32

                               
登錄/註冊後可看大圖

    哦,...原來如此,多謝師兄賜教

我係魚場玩過喳,好想係野場玩紅鮪

一出動又有收穫~~~好犀利~

係唔係條魚見到路人小姐怕羞,D血去晒第2度~所以變晒白色AR~?? ...
puretung 發表於 2010-4-9 23:18

                               
登錄/註冊後可看大圖

都唔係次次有架, 自上次條50cm之後, 一個trip中好多海狼, 一個trip打龜, 今次好彩先中返條咋.

係就死啦, 你睇下條魚, D鰭都冇扯...呀唔係....豎起嘅.