南油釣組分享

各位師兄你地好，今年南油又開始啦！
唔知大家覺唔覺得深海板好少講到釣組的問題呢？
唔知今年會唔會有師兄講多的南油釣組比的師兄弟睇吓呢？
例如：釣雞魚的釣組(手繩同竿的組合)
           釣牛港的組合(手繩同竿的組合)
           釣章雄的組合(手繩同竿的組合)
                  釣海浪的組合(手繩同竿的組合)
           放流釣法的組合(手繩同竿的組合)
           jigging的各種組合等。
仲有其他種種唔同的釣法等等。
我地唔講平貴，唔講價錢，只講實用性同經驗。
當然有啲師兄用的釣組會很輕火但又釣到大魚的，
不過呢啲係高級釣技，我地可以係最後先講。
因為我地呢啲超新手同半新手，都要一級一級去學。
如果有師兄可以無私咁，分享比啲師兄弟睇吓，深海板一定會很熱鬧。(有圖有文字就最好)

好多謝gary8154兄提出一連串深海船釣的問題,引領大家探討深海船釣天地,
希望得到大家的支持, 給本網各手足無限動力, 否則, 此文在不足動力下, 難以完成,
, 望大家多多支持,

面對深海船釣, 首先要了解魚種及其活動範圍(泳層),釣手會因應對象魚而把餌送到應到的泳層,
與對象魚交鋒,這可叫做探魚,其實,都要臨埸探魚架,因此要考慮到,釣點深度 鉛的重量,
魚餌種類,鉤的大小, 魚絲、釣竿、魚攪的火力,再會考慮釣魚的手法, 打沉底,手繩, jigging, 放流,等等釣法,
當然, 釣具都要同釣法相匹配, 再配合釣組成一整體啦,

釣點:初步分為水面. 中水及底層,當然有些魚種活動範圍較廣,會跨越(泳層),而水溫亦會影響
魚活動深度,寒釣深,夏釣陰, 我習慣把釣點分為10段(水面到海底),
面層:4 (因最面一段係真正水面魚, jigging就唔好jig到飛板啦, 最面一段就唔好jig啦)
中層:3
底層:3

面及中層多迴遊魚, 如池魚, 吞拿,
而底層多 lout 步魚, 如斑類,章紅
牛廣就鬼d, 會面層到中層都會出現, 在面層會成隊兵咁出現追食水面魚,遠看好似水面有不尋常浪湧,
最明顯就追魚打水, 小魚逃命四圍標,令水面白浪滔滔,我地叫 "水滾",  

好啦!言歸正傳, 論釣組, 都有大致定式, 帶腳長度, 就要看釣船環境及釣手多寡而定, 一般釣座總數16個, 船身每邊8個,
若坐滿釣手, 大家張開雙手, 大家手指尖幾乎可以相掽, 可想而知帶腳可容許的長度, 鬼唔知帶腳長d會好d咩, 但到繩會有人唱歌啦,
所以長帶腳,jigging及放流, 一定要看水流方向, 流速, 決定鐵板及鉛重量, 望各釣手用鉛重量一致, 否則爆釣釣繩,若釣手有默契, 可走位船頭或船尾釣, 爭位都會引致不快架, 未釣魚先要破呢一關架,

跟住準備基本釣組圖,現不談竿攪住

主繩→→擰扣→→天坪或三差擰圈或子母擰圈→→鉛
                              ↓
                              ↓
                           子繩→→鉤

首先好多謝各板大的知持。
因小弟都係一個半新手，出南油都係得4-5次，
有時出到去忙忙大海，真係唔知點算。
我睇魚樂網都有2年，都見到好多師兄的無私分享。
好似DIY板咁，好多師兄都會用佢地的經驗分享給各位。
所以我都想深海板有呢一種風氣，去幫我地呢D超新手同半新手。
祝深海板各師兄們，心想事成，事事如意    。

我嘅釣組,因為小弟為懶人一族,所以釣組都以方便為主,每次帶3組釣具出發,需要時以快扣更换.亦無針對任何魚種做對應.

jigging 我好簡單.亦唔會玩長時間

放流我就用手持,基本好多魚種都中過,亦断唔少.

雞魚釣組,呢款最方便,有時都會買d現成嘅深海仕掛用.

沈底我已經無玩,覺得唔夠效律,會令我釣到好hea

我覺得深海板的幸福指數開始向上升，
因為各位師兄的釣組真係好有用，
我個人覺得呢幾個釣組，
唔單只係南油可以用，
好多艇釣都會用得着，
希望會再有多啲師兄上黎分享。
好多謝兩位師兄的分享，小弟比兩位10個good thx。

其實本人唔係好主張用快扣！因為爆扣機會好大，由其係jigging因為動作大會另到個扣好易移位。每個人習慣都唔同我只係講下自已ga意見，joe板大唔好插我插得咁大力啊haha

其實本人唔係好主張用快扣！因為爆扣機會好大，由其係jigging因為動作大會另到個扣好易移位。每個人習慣都 ...
hosunlo 發表於 2010-3-5 01:31

                               
登錄/註冊後可看大圖

明白, 小弟係童子軍,張彈床爛左先至轉玩釣魚快扣換野快丫嘛

唔插你都得,post 1個jigging釣组出嚟啦
仲有,我6月想出快艇,幫我諗諗丫

其實本人唔係好主張用快扣！因為爆扣機會好大，由其係jigging因為動作大會另到個扣好易移位。每個人習慣都 ...
hosunlo 發表於 2010-3-5 01:31 AM

                               
登錄/註冊後可看大圖

我個人覺得唔會有人插你，
因為每個人都會有自已的一套用法。
同我地只講個人的釣組，唔講價錢，唔講高級定低級。
只講實用性同經驗，完意係比我地呢啲初玩深海船釣的同學睇，
等深海板呢個平台可以熱鬧啲，好似DIY板咁。
當然會有啲師兄係好專業，同好認真。
如果有啲專業的師兄分享吓佢地的釣組，
我認為會係深海板各師兄弟門的褔氣，
因為釣組唔怕學得多，靈活運用笑可可。
多謝各位的知持。

回復 7# joesiu


    ok!但係多數都平日wor，同埋幾日前通知就要行架喇。

回復  joesiu


    ok!但係多數都平日wor，同埋幾日前通知就要行架喇。
hosunlo 發表於 2010-3-5 14:30

                               
登錄/註冊後可看大圖

    行啦！行啦！！