基本抽竿問題

有些基本抽竿問題唔明白, 請師兄再解明一下 !!!!
1. 我拋竿後,隻餌木入水時那一刻, 空中有C形虛絲 , 是否要收這些虛絲 呢 ?  
2. 我收了這些空中C形虛絲,竿先向下, 令到入水時絲是宜線呢 , 目的是想在餌目下沉時, 知道餌目否到底 , 這個識別到底方法正確嗎 ?
3. 當絲出現鬆軟時, 即餌木到底, 立即將竿由向下揚向上, 但這個動作時, 當竿由下至上途中出現虛絲情況, 到竿先向上45度後才再緊絲, 出現有 "CHOK"絲感覺 !!! 這個步驟很有問題,很有問題!!! 請指正 !!!!
4. 揚竿後, 竿先再指向下後, 這時才收緊虛絲(速度如何呢 ? 目的又是什麼呢 ?) 還是支竿由上向下指途中收絲呢 ? 我這時快手收緊虛絲, 令隻餌木在緊絲情況下向前下沉 . 這時要全神留意有否魷魚拉竿, 是嗎 ?

我想再問個drag要較幾鬆呢 ? 緊到連抽時不出絲 ? 出小小絲(啲啲兩吓) ? 出小絲(啲啲啲三吓) ? 出多絲(啲啲啲連啲幾吓)?

原帖由 jk521 於 2007-6-7 10:32 發表

                               
登錄/註冊後可看大圖

1. 我拋竿後,隻餌木入水時那一刻, 空中有C形虛絲 , 是否要收這些虛絲 呢 ?  
YES.

2. 我收了這些空中C形虛絲,竿先向下, 令到入水時絲是宜線呢 , 目的是想在餌目下沉時, 知道餌目否到底 , 這個識別到底方法正確嗎 ?
YES.

3. 當絲出現鬆軟時, 即餌木到底, 立即將竿由向下揚向上, 但這個動作時, 當竿由下至上途中出現虛絲情況, 到竿先向上45度後才再緊絲, 出現有 "CHOK"絲感覺 !!! 這個步驟很有問題,很有問題!!! 請指正 !!!!
唔明! 照计由下至上的动作冇奶油会虛!!!???

4. 揚竿後, 竿先再指向下後, 這時才收緊虛絲(速度如何呢 ? 目的又是什麼呢 ?)
速度隨便得啦, 旨在收回虛絲, 準備下一回动作或中魷的动作

還是支竿由上向下指途中收絲呢 ? 我這時快手收緊虛絲, 令隻餌木在緊絲情況下向前下沉 . 這時要全神留意有否魷魚拉竿, 是嗎 ?
YES.

我想再問個drag要較幾鬆呢 ? 緊到連抽時不出絲 ? 出小小絲(啲啲兩吓) ? 出小絲(啲啲啲三吓) ? 出多絲(啲啲啲連啲幾吓)?
出啲啦

hehe....等小弟吹幾句...
其實釣魚冇絕對既, jk兄既幾條問題, 答案都可以有多個, 請唔好見怪.
1. 兩隻方法都有用. 視乎情況.
    a. 不收緊虛絲: 冇風冇流, 冇明顯標點, 拋出後由得佢, 開埋杯, 等餌木快D沉底 (shek9kung師兄教既)
    b. 收緊虛絲: 大風, 拋時用手輕帶直出緊杯既絲, 拋出後唔會有個彎 (鬼佬Maria兄教既) , 又或者有明顯標點, 如暗礁, 魚排邊等, 一拋出就閂杯收緊絲, 隋時候命感應魷訊.
2. 依個方法ok, 但太黑時眼睇唔倒, 小弟就會用兩隻手指輕輕執住條絲, feel佢有冇到底. 其他人有其他方法, 等其他師兄share啦
3. 有人會話頭一野fit唔好帶衡條絲, 因有機會入石, 會易D kick. 小弟就通常會先收緊少少再fit(當然唔會刮底啦) 冇個方法係必然. 出現chok絲情況又唔代表乜. 最多頭一下動作幅度唔大. 幅度唔大又有問題嗎? 需知道有時就甘拋出, 餌木只係下沉而未有動作時已經有魷上釣. 都係果句, 冇必然既.
4. 有人喜歡邊揚邊收, 絲拉緊所以發出fit fit聲(小弟基本招式 ), 有人會二斷跳, 揚完先收, 甚至好似重見典宏式既單手大力fit兩野, 再好隨意甘收.  冇一隻方法係必勝. 但可以話揚完杆後絲收緊, 餌木下沉角度會自然D. 鬆絲會比較直插落底. 緊絲亦都係比較易知道魷訊.
5. 至於drag鬆緊, 小弟喜歡較實, fit時冇出絲. 但有朋友如貓魚兄就喜歡好鬆, 大家都釣倒, 所以又係冇必然既.

其實個個人都有唔同style, 冇話邊個好D, 識得因應釣場環境, 魷魚既活性等變數而靈活改變既, 就係高手啦. 其他既, 就請浦克師兄補充啦.

我個人鍾意掟出去一落就關杯，緊住落，冇咁易掛底~
頭兩手我會快速揚住竿黎收3,4段，之後先二段又係邊揚邊收。
jk兄講到拉緊後都有虛絲~會唔會係逆左流呀?
而個drag我就較到抽竿會有一,兩下微出，唔好太死~
唔係條子線好快玩完~我試過較得實d，中幾隻大d既魷
之後條絲就已經冇哂力.....要換~所以有少少鬆我就覺得好d~

JK大大, 首先希望你可以將太復集既諗法放底, 係餌木釣方面, 我自己覺得, 由於係動作方面要求較多, 其實你需要通過實戰來帶同技巧, 會比起在綱上學習更好, 你所提及的問題, 我盡量在此試答一下 :-
1) 餌木到水時, 在空中出現墟絲, 其實有好多原因, 可能風大, 可能拋掟時個動作問題等, 其實需要先知道係因為咩問題引至發生咁既情況, 比起研究是否需要收緊墟絲來得實際, 能夠對症下藥, 咁出現墟絲既情況就會減少, 最後當然係餌木下沉到合適深度, 做動作之前, 係要將適當收返多餘既墟絲.

2)竿先向下係正確既餌木動作, 竿先盡量貼近水面, 使魚絲同空氣既接獲面越少, 減少魚絲比風等天然環境影響. 如你所講, 根據餌木下沉後, 魚絲既鬆緊作決定餌木是否到底,係某程度上可以, 但係你既標點係遠距離, 我本身覺得就好難作目視 我本身會係會依靠餌木傳到魚絲再傳到竿先, 我自己則會選擇輕帶魚絲作準, 亦都會記下剛才餌木既下沉時間, 咁樣, 就可以大約知道每一次餌木是否已到理想或合適深度!

3)餌木到底出現墟絲, 馬上做動作, 剛才第一點, 你還記得要收回墟絲, 但此時則沒有先收墟絲才做動作!? 唔收回墟絲, 那麼你所做的動作不是有一半是白費嗎? 同埋我唔明白chok絲呢個問題, 係做動作過程中, 都會受到風既影響使動作中有好多變數出現, 呢方面還是留在實戰中好好學習及吸收吧!

4) 如第3點所提及, 每次動作都會受天氣影響, 例如風, 潮水等, 連帶收緊墟絲每每都會受相同情況影響及個人手法所帶同, 並非每一次都依樣弧爐, 需要就當日環境變法或大尾魷活躍度作出收整!

drag既鬆緊, 個個要求唔同, 人d人要全鬆drag去拖, 因為怕會甩魷或中石時傷攪, 但係自己覺得, 緊drag拖都無問題呀, 好少有以上情況出現, 個drag要調到幾多, 真係自己個人要求, 比少少意見, 你可以調較到揚竿到頂時剛出少少drag即可!

[ 本帖最後由 浦克 於 2007-6-7 11:53 編輯 ]

試吓用圖解釋下我 "CHOK" 竿 問題,

感謝各位大大的幫忙指導, 我今天放工後, 去屯門碼頭實踐吓, 唔明再問 !!!

原帖由 jk521 於 2007-6-7 13:29 發表

                               
登錄/註冊後可看大圖

試吓用圖解釋下我 "CHOK" 竿 問題,

若你使用邊收邊揚既手法, 即好多人所講既"單車手", 就唔會有D既情況出現.
放心, 初初一般人fit既手勢係唔會好順既, 慢慢就會識架啦, 好似踩單車一樣.
比你睇下依段片, 個個初學者都應該睇過:
http://www.freewebtown.com/bro7393/kk_03langan.htm

原帖由 arcticwind 於 2007-6-7 13:45 發表

                               
登錄/註冊後可看大圖

若你使用邊收邊揚既手法, 即好多人所講既"單車手", 就唔會有D既情況出現.
放心, 初初一般人fit既手勢係唔會好順既, 慢慢就會識架啦, 好似踩單車一樣.
比你睇下依段片, 個個初學者都應該睇過:
http://www.free ...

明白了. 揚竿過程中, KEEP 住D絲緊, 用竿先腰力來發力升起隻餌木,之後,回落支竿時再同時收絲,...

原帖由 jk521 於 2007-6-7 14:19 發表

                               
登錄/註冊後可看大圖

明白了. 揚竿過程中, KEEP 住D絲緊, 用竿先腰力來發力升起隻餌木,之後,回落支竿時再同時收絲,...

Yes, you've got it!
Now try it yourself. It took me more than 5 trips to learn the method for I am dumb.