本帖最後由 arcticwind 於 2009-9-27 15:43 編輯
尋日應好友紅馬王子之請,帶同佢女友一嘗kayak game既樂趣.
我地既目標係班仔等小物,希望中多幾條過下手癮.
但據過往經驗,西貢一帶都有星鱸 (紅鼓)出沒, 希望可以中1-2條當作bonus.
我地用既架生十分之輕火, 我自己就用一枝7’7”小物竿+ 1000s 攪+ 3lb 炭線.
我同紅馬都係以膠蟲作釣, 而佢女友就玩筏仔, 話咁快佢己經開齋啦.
紅馬不甘示弱,開齋中左條班仔.
轉位到一個小島,我地分頭行事, 突然聽到島後面有人歡呼.
我仲以為有人玩wakeboard玩得好開心.
點知當我隻艇慢慢飄到見到紅馬時,見佢手執本日bonus, 星鱸一條 .
Size唔錯,over 50cm,第一次帶朋友去玩己經有bonus,真係好彩.
過左一陣佢地又再離開我視線範圍,我慢慢爬艇追上, 眼見紅馬又再中魚.
睇佢玩到舞龍咁,應該又係星鱸啦, 唔係咁多卦!?
我又唔執輸拋兩槍,到我中!
紅馬影左幾張相之後,先記得可以拍movie.
留意隻艇拉到轉左360度, 真係刺激.
釣左一陣無乜料到,我地就去一個沙灘食野休息.
天氣實在太熱,落水解下暑先.
一位好心人幫我地影人魚合照.
回到先前既小島,紅馬又再度中星星, 佢話太細懶得影.
4:30pm佢地要早走,唉....我又點會捨得丫....
佢地兩個先走,我奮力爬到釣點,希望求其中返條魚埋齋.
就係依個時候,膠蟲係底跳跳下, 突然虛哂絲, 我輕輕一帶,會郁既?
抽! 中! zzzzzzzzzzzzzz………瘋狂出drag!
仲以為係size一般既星鱸, 點知頂到上黎, 一睇魚影,一D都唔細!
條魚左衝右衝,又想衝入船底, 今回到我舞龍舞啦.
隔離有人玩wakeboard,都停低落黎睇.
玩左4-5分鐘終於上水, 本日最大, yes!
快快脆爬返岸,會合佢地再影大合照.
影相後當然係放生啦.
一個陽光充沛既週末,本來係釣魚仔為樂既小物釣行.
點知殺出幾條瘋狂出drag既魚, 帶比我地一個難忘既一日. |
[複製鏈接]
提升卡
置頂卡
沉默卡
喧囂卡
變色卡
千斤頂
顯身卡
