逐步升級

今日完本想一早入機場拖個爆光水, 點知連鬧鐘都嘈我唔醒....
算啦, 今早快快脆脆做晒D野, 又落樓下攪一陣先.
去到釣場水好漲, 但落流好快, 水又幾清, 睇黎幾好景.
拖左差不多兩個鐘, 乜鬼都冇.
之前甩過條60cm既靚位前前後後掃左兩次, 影都冇, 有冇搞錯!?
算啦, 求求其其拖晒條石壆就走啦...
去到一個石頭好大既亂石陣, 冇跌級, 冇簷逢, 應該冇魚卦...
隻假餌收到埋腳邊唔夠1m, 突然一個銀白色影衝左上黎, 手上既竿一沉!!
一抽, 已經感覺到條leader係石面磨緊...
好彩條魚未發力, 手一舉, 支竿既回彈力已經令條魚上左水面, 離開危險地帶.
依個時候條魚再開尾, 好彩支竿夠長夠彈, 爆左兩次都冇機會入石
果兩下爆炸力真令人回味...
吸取上次教訓, 死都唔"淫"上黎啦, 打橫支竿帶到一個淺水位, 再急急行過去執魚.
YES! 50cm get!!!

岸上面原來聚集左成班人睇野, 好多人都話第一次見假餌中魚. 哈哈...
一位好心人幫我影合照.

放魚時人人都叫我停手, 但我話, 依個海域釣既魚, 唔好食啦.


之前中埋D 3xcm鈾仔, 上次中44cm, 今次50cm, 下次會點呢?

師兄,,,,,,,,,,,,,,,,,,犀利呀,{:48_3000:}

師兄青衣咩位釣啊我支竿都未開光

多謝支持放生

條鮋好靚仔
咩時間帶釣?

我上次行到呢度就收左工=3=

我都住你樓下！幾時教我兩招呀？

師兄方唔方便話俾我聽支竿幾多呎?

我最喜愛的紅魚呀! 我會去試下攪下佢....!! .我知道你個位在那裡....多謝你比個機會給下家釣呀!
不過我想講比你知, 那處的魚釣上來是可以吃的!!! 一般情況下, 就算是死流..時段!! 都有一定水流
流量...! 雖然有很多船經過...水質會略為差一點!  但都未只於釣上來的魚唔可以食呀! 下次若是細條
就可以放生啦!! 釣到大條魚...你唔要, 都可以留給家人吃架!!

有機會大家都一起拖假餌交流心得!!  你現在用緊什麼釣組呢?