前打技術請教

各位師兄：

對前打有d興趣，爬了幾編文(因為晚上server實在太慢，只能爬幾編)，始終唔係好明前打點玩，所以想請敎一下：

1.) 前打竿一般用530長度，咁同磯杆差唔多長？兩者既分別係邊？

2.) 前打竿點解要用餅仔攪？直攪開左杯應該都冇乜阻力防礙出約，其實差別係邊？

3.) 前打由主絲直出釣加夾鉛，等餌自然沉茖底。咁我點先知幾時到底？

4.) 餌到底後要點做？等魚食？定係上下輕搖支竿，令餌上下擺動引魚食？定還是帶竿四圍走去換魚？

5.) 沉底後再將餌四圍拖，會唔會好易掛底？

6.) 有魚食餌時係唔係靠手感去得知？

其實睇左幾編文後，總覺得前打好似唔用浮波既磯釣........

新手好多唔明，不要見怪！

1,前打竿的竿先比磯竿敏感(易於睇魚訊),又比較輕一點,對於前打手法要長時間持竿會比較有好處

2,前打竿的街比較細少,如果母線有氣(直攪有氣),出線就會難出d,再加上釣場每個點都唔同深度,可能要輕微收上收落d線,所以要用餅仔攪

3,唔係直出,(正常)係要有子線的,因為前打母線係有顏色的,至於幾時到海抵,你細心d睇d魚絲喇

4,到左海抵之後,等幾秒,無魚咬就秧下口餌,(半尺左右),跟住除水流到下一個點搵魚

5,正常唔會拖住行.........

6,唔係全靠手感,有時要睇魚絲

小弟玩左前打唔算好耐,希望張知道的說給師兄看看有無幫助喇...^o^
小弟覺得除左要打多d會進步之外,最重要係專心d打好每一口餌^o^

1,前打竿的竿先比磯竿敏感(易於睇魚訊),又比較輕一點,對於前打手法要長時間持竿會比較有好處

2,前打竿的街比較細少,如果母線有氣(直攪有氣),出線就會難出d,再加上釣場每個點都唔同深度,可能要輕微收上收落d線,所以 ...
pippenfan 發表於 2009-3-25 14:34

                               
登錄/註冊後可看大圖

...ching..你講少左一樣最重要...就係...個釣點要有魚丫~

有魚唔一定食餌呢...=.=所以要自然d,吸引d魚
玩耐左,有d場流水唔太大的話,鉛都唔洗用......

4# pippenfan

好好文采喎

多謝師兄解答！
咁講法放餌出絲時係唔係要有虛絲係水面等佢沉？當虛絲唔再沉時等於到底？
如果係既話，夾鉛咪要夾到好近個鈎？

當虛絲唔再沉時等於到底,或者有魚咬住左
鉛直頭夾落個鈎到

聴一D 師兄講, 有時為對付精口魚, 夾鉛可放係钩上面2-3寸, 令到餌飄得自然D

前打落入确实很自然，伪装很好

聴一D 師兄講, 有時為對付精口魚, 夾鉛可放係钩上面2-3寸, 令到餌飄得自然D
titchu 發表於 2009-3-26 02:44

                               
登錄/註冊後可看大圖

非也非也
你試吓再細心D用魚既角度去諗吓
鉛夾勾同鉛夾子線既分別?