考船牌一問.

我其實屋企樓下可以泊到船, 我見都有二,三 架船仔泊係度. 不過都係好細部的機動汕板.

我都想要部黎出去釣魚.

請問...船牌係點考?
大約要幾錢?
車牌易d定係船牌易d??(我本身有車牌)
一隻可以坐三至四人機動汕板大約要幾多錢???

先行謝過...唔好插得甘勁

車牌貴D,船牌平D
船牌分大偈同船主牌,要考晒兩樣先揸得
只考筆試,,要排期
工聯會定期有開班,齋上堂,冇得揸,,靠自己死讀D例,旗号,灯号咁

如果你隻艇係4匹或以下既outboard,恭喜你..唔駛牌都揸得

報d $1500 一科果d,可以死煲試題,兩科共$3000,加考試好似$1200,埋單4千幾,我做左一星期試題,一次過pass,睇你有無心煲,而家個個星期出海釣魚!但係從來都未係船釣到過1斤嘅魚 !工聯會唔好諗la,無試題做好難pass,因為兩年次前讀過,d friend全肥,我直頭無考,須然工聯會平,但係肥左再報條數都係返度!同埋肥佬得多會無左團火.好易會放棄,
我之前都好似你咁,買部3.3+象皮艇,唔考牌出去釣魚,但係原來有尾機就要出船牌,超煩,最後都係偷釣,想去遠d又唔得,危險..部機用得果4次以經無心機玩..變左癈物.
嘅然你果度有位,你又鍾意釣魚,長遠計都係考定個牌好d,平平地整部10匹啦,二手1兩萬,唔係太貴,我3.3+象皮艇都去左7千,唔值.
最重要就係,你無排位就真係同碼頭釣無分別,分別只係魚仔密口同唔密口..橫汌,果洲同白沙灣都差唔多.

其實最難係養隻快艇架姐......
有錢唔洗牌都可以渣船架......
一查船咪比錢囉....

1.自己去统一碼頭海港政府大樓3/F報名,考2科,排期1-2個月.共銀HK$1255...考試前要驗眼
2.去一d專門考船牌嘅學校報,學費共約HK$3000.另加書本費百幾-有試題提供,要死讀,代客報考,total 使費約HK$4500
3.我覺得考車牌易d,因為考船牌只做筆試,肥佬左都唔會提供正確答案俾你....
4.二手兩冲程40匹連艇(坐4人都算基本),都要7至8萬到啦,視乎新舊
希望幫到你....

建議去一d專門學校報讀,雖然貴d但有料到(講緊d試題)
佢地基本上有晒大部份考試試題,只要記性好記晒所有試題
就可以pass,唔上堂都還可以! 當然上堂會更加了解
記得N年前考試果陣,做完份卷就已經知道自己肯定PASS

[ 本帖最後由 海神祭 於 2008-8-7 23:38 編輯 ]

其實考完牌,買埋艇..
都仲要識搵排口先有機會有幾條魚釣下..
搵到排口又要"後老"..定住隻艇..如果唔係下下落"撈"都幾甘頂下...再唔係就加多副細車頂流..不過到時又要釣魚,,又要顧位...真係水佬先掂..呢D錢係要俾人賺..

[ 本帖最後由 麻辣叉飯 於 2008-8-8 09:13 編輯 ]

原帖由 來者不拒 於 2008-8-7 18:50 發表

                               
登錄/註冊後可看大圖

其實最難係養隻快艇架姐......
有錢唔洗牌都可以渣船架......
一查船咪比錢囉....

師兄唔好教人做一些不合法行為

有錢唔係大洒

岀事個時有錢都補常唔到

以上話題是本人意見