對於投釣版...種種...

本版終於都有第一位版主幫手!!
可能大家會受之前所出現嘅一D...點講呢??
我又唔可以話係風雨嘅...
咁喇...一D有趣情節影響,
大家可能諗住我搵到位超級投釣高手幫忙!!
其實歐師兄係一位熱心無私嘅釣友,
喺最近呢段時間,係我主動搵佢幫忙搜集一D關於投釣資料,例如釣場,魚種,釣組...
我成日強調,作為一位版主,係唔應該用釣技行頭去衡量佢是否稱職!!
世界永遠在轉,點釣點玩係無絕對,願意開放探討就係最好,
呢個版其實幾有趣,有人話用中通鉛最啱香港環境,
有人話跟日本用天秤最有效,
又有人話香港唔適合灘投,
我個人就有D睇法....


投釣在好多人黎睇基本上同我地傳統用支竿飛出去打沈底無分別,
所謂技術,只在於如何投遠D,如何搵到個排口,
一講到好專業咁玩,第一時間就緊係諗到日本釣友嘅方式,
專業投竿,專業投絞,天秤及多勾仕掛....等等...
一種工具,一種模式,一定存在正反兩面情況,
呢個版嘅作用就係要攪清楚呢D現象,
好用就用,唔好用,唔適合就忠實反映,忠實報導,
任何專題釣魚版都係,最終都係希望發展出一套香港化嘅釣法,
相信無人會反對....難嗎??
我個人感覺唔係太難,重點只係心態!!
無論我,歐師兄或好多喜歡投釣嘅網友都唔係高手,
可能對"投釣"兩字,仲係一知半解...各自有定義...
不過唔緊要,網上世界,就係研究天地!!
我及歐師兄始終都係抱著開放態度睇事物,
將來會攪任何關於投釣嘅活動都係本著交流目的,
本著學習目的,共同開拓此方面領域!!

未來日子,請各位多多支持,多多鼓勵歐師兄,
俾多D機會我地學習...實踐...再學習...再實踐...

歐師兄依家最重要係為大家整理多D資料,處理版務,
技術實踐就靠各前輩多點幫忙...感謝!!

我很喜歡這版, 因為其中一位熱心參與者的言行令我好開心, 特別是那人的價值觀令我大開眼界, 而他的作風更成為我的參考,

我一定不可以和他一樣

不論任何聲音
正反對錯
都令人大開眼界
出聲發言便是支持
多種立場才有空間
大家嘅發言都好睇架

完全支持！用正確方向面對問題！
深層思考、理性解釋，
雖然香港未必可以比美外國灘投鯊魚咁震撼，
相信都有發展空間同推動既一面。

閒對長空樂,一定無問題,今年一定帶喲人去,搵魚食下.

其實多d唔同既聲音係好事
人人對釣魚都有唔同既睇法同心得
如果我問一條問題
有3位師兄回答我
3個都教唔同既方法
我就一次過學左3樣野
邊種方法最好無得講
但緊有一樣最岩自己
有選擇絕對係好事
分分鐘到時我可以創出第4套方法
有無睇射鵰英雄傳??
主角郭靖就係向唔同既高手呢度學一招,果度學一式
最終變左一代宗師

所以學釣魚最忌就係試都未試就話人地果套唔得
就好似我學既係跆拳道
但我唔會話打泰拳既係野蠻人
相反我會接觸埋泰拳
將兩種拳法既優點2合為1
呢d先至叫做見識
最緊要係要接受新事物

好多野攞出黎研究係好事
但最好唔好抹殺人地既idea
好似天秤同中通鉛討論下有咩分別
玩法上有咩唔同,兩者有咩要注意咪幾好囉
但係無啦啦就變左響度拗用邊個好d邊個又無咁好
我就真係覺得好無謂
就等如我話benz好定係toyota好
係人都知benz係好野啦
但toyota平靚正又襟用,我買車都買佢啦
咁如果我有朝一日出人頭地
我轉玩benz係咪我有問題丫

其實呢個世界好公平
玩好多野都係一分錢一分貨
講效果天秤係會好好多
但講真平又有平玩既姐
我自己都覺得用中通鉛都ok夠玩
但個個人心態都唔同
你負擔得起又滿意天秤既效果,咪玩天秤囉
掉返轉你認為唔應該消耗太多金錢響呢方面既
你用中通鉛釣到魚既咪繼續用囉
我地玩跆拳唔會話泰拳野蠻
玩泰拳既人唔會話我地花巧
因為每種玩法都有佢既奧義響入面
同埋仲有最重要亦都係最基本既--------禮貌同尊重
求同存異呀!!!

不過講左一大輪唔係諗住講天秤同中通鉛既問題
而係想講心態問題
有人肯分享其實係塞緊錢落大家袋
而大家仲抱住敵意去攻擊或者去否定呢班人
我覺得真係唔要得
而且亦會抹殺左新手接觸唔同既新事物既機會
我覺得好可惜

其實我覺得投釣版真係可以好健康
因為好多師兄都好肯答問題
而且仲答得好詳盡
但亦都好多負面既回應係令人覺得好沮喪既
大家就當擴闊下自己既胸襟同眼光
俾返d鼓勵對方,呢d先係正道

講左咁多野唔知會唔會有人又以為我係針對十狂師兄而打咁多字
其實我之前都講過人地點睇佢唔關我事
只係咁岩十狂兄響投釣版係一個活躍人物
而我既想法又咁蹺套用到落去姐
類似既文章我之前都打左好多次
但今次再打我個心情係好沉重
而且而家投釣版仲要搵到個版主喇
希望今次會係我最後一次打呢類型既文章啦

恭喜歐師兄榮升版主，
賀喜爆叔得能者相助。

我看法有少少唔同，至少大家都係對事非常健康。自問從未係其他網見個今精采的討論. 也是這原因令我由CD-ROM變成肯發言.

原帖由 triggerfish 於 2008-5-22 12:36 發表

                               
登錄/註冊後可看大圖

我看法有少少唔同，至少大家都係對事非常健康。自問從未係其他網見個今精采的討論. 也是這原因令我由CD-ROM變成肯發言.

師兄真係見到係對事????

原帖由 順仔 於 2008-5-22 12:58 發表

                               
登錄/註冊後可看大圖

師兄真係見到係對事????

見到D乜係和自身修為有關.君子坦蕩蕩,小人長戚戚.