東涌精彩半個鐘

細墩水浸上唔到上大墩
釣成日都得幾條石狗　成日悶到暈　最精彩就係黃昏時份果半個幾鐘　水面魚成海打晒水　係度示威
有幾下直頭係我腳邊打水　嚇鬼死我　小弟不甘示弱即刻轉細鉛釣水面
死蝦扮生蝦　第一口一食直插樁底　支白棍太短　成個人趴左係度伸埋隻手先頂番條魚出黎
眼見主線同個墩成水平線　睇住條主線係咁磨樁底（隻線又幾勁架喎）　口中念念有詞．．．
搞左好很耐先帶番條魚出黎　一落撈基　條魚就跳上水面洗腮洗入左個網

中左幾條之後玩夠皮　之後有魚食都由佢拉線走　唔揪竿　游游下自己放口　最後半個幾鐘　中左９口　取４
　
支白棍好強橫　條爛肉梳就咁彈上黎都冇問題　不過上墩玩就短左ｄ　入樁底就好麻煩（今日之體驗）

今日亦一嘗男人最痛
釣釣下水面魚個朋友蹺左竿頭　叫我幫佢解．．．
咁我支竿就夾左係大腿中間　幫佢解解下魚線　我支竿中魚　條魚一拉　oh my god... 　

幾點開始釣架?

"咁我支竿就夾左係大腿中間　幫佢解解下魚線　我支竿中魚　條魚一拉　oh my god..." ==> 原來你話最精彩果半個鐘就係呢part....哈哈..

今日8點幾9點去到了

"東涌精彩半個鐘"......
個標題下聯會唔會係......
"攪到以後都搭半"！

乜咁勁呀......恨死......吾捉蟹仔都有好處丫.......兩兄弟做乜互相殘殺woo.....弟弟安好 ma?........kakakaka

好彩臨尾有呢ｄ玩下　如果唔係真係悶足一日

什麼魚和你的小弟弟有仇

師兄係咪上左5號墩呀?

水漲好似特別多佬