將軍澳四匹仔14/08/11

上星期第一次去將軍澳出兩匹仔，收穫唔多，只得十多條魚仔；今個星期出四匹仔，車去遠啲，中咗好多細立仔，過足手癮。




首先車咗去日出康城附近，無魚訊，個錨仲kick埋石，我哋兩個女仔拉來拉去都拉唔返上嚟，激死！


之後要call返釣魚會度問，佢話佢哋唔會理呢啲嘢，叫我哋自己割斷吊住個錨條繩，再車返去擺過個錨。我哋心諗：唔係呀嘛！正想開船，個釣魚會阿叔就已經車到嚟我哋面前，三兩下就同我哋駁番個錨，盛惠$20，喺按金度扣。


燈塔位，聽講會有魚訊，但我哋無停到...


去咗堆填區附近見到有幾隻艇喺度釣緊，就埋去釣咗一陣。


呢度都幾大浪吓，拋到隻艇入哂水，但只係釣到雞泡，跟住就拋番哂入海。


之後差不多車到去見到東龍島，途中見直昇機出動，原來有人中暑呀！


再車去大廟附近，開頭又釣到幾條雞泡。


正當失望之際，忽然中到立仔。


之後一拋線落海就係咁中魚，全部立仔，最後中咗四五十條。


擒日好多人釣魚。

嘩......個錨要$200.......好貴呀
不過都有d魚釣下

回復 2# kam123


   廿蚊呀

琴日真系冇咩釣......我同個朋友釣得好少魚

c姐,請問平日租艇幾$日?
一艇可以坐幾多人?附近水域算吾算危險?
附近有無停車場?
thx~~

總之有咩事就打比個阿叔就ok~~!!!!~~就係果個燈塔位喇~~其實而家釣一定都係釣去大廟我上次講比你果d石位~~一出就出左去先~~無風無浪就沖出東龍島~~~再釣返轉頭就ok~~~

恭喜師姊啲立仔好靚女啊

嘩......個錨要$200.......好貴呀
不過都有d魚釣下
kam123 發表於 2011-8-15 14:58

                               
登錄/註冊後可看大圖

    係$20，唔係$200，如果真係要$200咁貴，我哋寧願全日唔落錨釣呀！

c姐,請問平日租艇幾$日?
一艇可以坐幾多人?附近水域算吾算危險?
附近有無停車場?
thx~~ ...
sam1019 發表於 2011-8-15 18:02

                               
登錄/註冊後可看大圖

我都係新去釣架咋！唔好叫我c姐啦！

無論兩匹定四匹，一艇只可以坐兩人，但好似全場只有一隻四匹可以坐三人。

附近水域都唔算危險，但愈開愈出就會有其他船經過，因為係航道。一有船經過，都幾大浪幾拋吓！

停車場問題我就唔係太清楚嘞！

總之有咩事就打比個阿叔就ok~~!!!!~~就係果個燈塔位喇~~其實而家釣一定都係釣去大廟我上次講比你果d石位~~ ...
sang1208 發表於 2011-8-15 18:19

                               
登錄/註冊後可看大圖

    多謝你上次嘅提示，我本來print咗你比我啲釣點出嚟，點知當日唔鬼記得帶出去睇，只有用僅餘記憶記吓你張釣點圖！

   燈塔位下次真係要試吓！本來我哋去完大廟都想出埋東龍島，但見到啲水警輪同直昇機來來回回，當時唔知嗰度出咩事，所以唔敢過去呀！