濕過林峰Let's Get Wet

  之前FD叫左我咁多次我都唔得閒..

尋晚見個天都好似唔會落大雨..

就應約去閒釣一輪,順便睇下我仲考慮緊我玩唔玩好既前打裝備咩價位

點知去到釣具鋪我真睇唔到有前打既竿賣...算啦遲D又要我出市區睇...

去到必殺哥個場見到裝多左盞燈  

真係幾鬼開心...終於唔洗摸黑巢野...

開好哂野   我玩磯竿+波波..我個FD玩筏仔諗住開光

點鬼知釣左陣就橫風橫雨仲行埋雷.....拎住支竿都咪話唔驚...

好彩有棟唔知咩可以俾我地擋下風同雨....不過都係濕哂....

期間就一路釣....魚訊都冇唔係掛...

停左陣雨....就諗住閃人!

正當諗住係光位執野...我個FD抱著一試的心態隨手落竿放餌睇係有冇魚咬...

點知.................支筏仔竿頭落下冇70都有80度!!!

可惜冇心理準備走魚收場..

即刻打消了走人既諗頭...

係度考慮緊好唔好玩前打既我忽發其想...拆浮波主絲+擰圈+子線+夾鉛+勾...磯竿當前打玩!!!!

跟住就學前打區既師兄咁試下直駁樁位

同一個樁位就中左3條

雖然唔係話大條 但有力有得玩

條花頭梅見佢肚凸凸咁...影完相放佢..生完再搵我!
果2條連咪都唔係好大條但都要俾D交代俾呀媽  放1 取1[感謝師兄修正]
仲有條石9B隨手放埋

又磯竿浮波又磯竿當前打...唔好煩喇...入GENERAL 綜合釣法應該冇死喇怪爆叔

可能師兄們對此魚穫感到小事一單...
對於我來講係野場暫時最佳既魚穫!!
第一次中花頭梅`第一次連中3元
祝爆釣!!!

唔知係唔係我琴晚見到駁邊個兩位師兄,我仲慘,爬出了石邊,魚竿都未開好,立即落好大雨下,行晒雷甘,咩都未做就濕晒,放棄走人

恭喜恭喜, 師兄響大埔釣?

回復 2# kenson


    我諗係喇師兄..
一落大雨就聽到有人好大聲講個助語字

回復 3# 必殺小子


    就係師兄你閒釣果度囉

回復 1# zeroyukit


CHING, 應該係"連米"播, 海連完全唔係果樣野...........

回復 6# all-kind


    唔該哂師兄...已經修正了

回復  必殺小子


    就係師兄你閒釣果度囉
zeroyukit 發表於 2011-7-19 10:30

                               
登錄/註冊後可看大圖

    原來師兄都係大埔友,
我今晚應該會落去, 睇下有無機撞到

你響屋仔後面釣? 果度夜水要小心d

我都唔想甘大聲,,都未開始就唔俾人玩,祝早日爆釣

回復 8# 必殺小子


    今晚唔落雨我都去..
我冇行入去...尋晚咁大雨..我都驚滑一滑