得閒無事學人DIY~拆拆拆~拆磯竿造手竿~

依排落雨無去釣魚...爬爬下文見到人拆磯竿做手竿~
見好似唔係太難..工具材料又唔係太多..自己又有支無用既小磯加上無錢......自己又係第一次DIY.........
係咁多巧合之下..就搞搞佢啦~~
工具:

火機, 界刀, 鉸剪

粗幼沙紙

AB膠

AA膠

手竿頭繩

鉗

12尺舊磯竿一支

開始了~

首先有火機輕輕地燒下D街, 唔好燒太耐, 唔係街入面D膠可能會溶...

用鉗將D街起左佢, 唔好太大力鉗, 驚鉗爆支竿...

跟住用沙紙磨返靚仔D起左街既位, 一陣落膠水仲可以實D

用界刀畀開D膠同入面D線起左個搞位, 依個就可大力少少, 支竿花就在所難免了...如下圖:

大家可以用粗沙紙磨返靚仔圯左膠個D位, 想再靚仔D可以用包球拍D DRIP包住佢摭醜~

起晒街既圖~

跟住可以落頭繩~先搽少少AA膠係支竿到, 趁膠水未干快手D入大約1.5-2 CM頭繩~
用少少力拉緊條頭繩, 等D繩布貼少少支竿, 然後再用AA膠搽勻入左竿既頭繩~

有好多師兄話落完AA膠依部分就完成了..但係我對AA膠始終信心不足...
加上我想佢靚仔D, 扮晒落左厚之漆咁~但係又無錢買漆......
所以經其他師兄提醒之後, 我決定用透明AB膠補多層係面!!呵呵呵呵~
A:B=1:1

依個係落左AB膠之後既情況~記得要係頭繩同之竿個接口位落厚少少, 如果唔係落左等於無落...根本痴唔到支竿......
仲有一度要留意: 最好支竿既頭節放左入去第二節之後先好落AB膠..因為落左AB膠個位會粗左, 可能頭節會入唔返第二節......緊記!!!
干左之後記得試下實唔實喔!!無謂去試竿先黎甩啦!!!

黎到依度基本上已完成了~大家可以花D心思去整靚仔佢D~

我就無乜搞了...上為完成圖, 我淨係係D起左街既位上左少少色摭醜......
以上大部分工具材料均家中所有, 無乜野需特別購買~只係買左幾蚊頭繩......
多謝各位花時間睇~小弟劣作, 玩以自娛~
(D相係用手機影的..有少少朦...請多多包涵~)

回復 1# heyman133000


    哇....師兄變魔術丫!!!變竿!!

回復 2# a25533910

見支磯竿無用..一係送俾人, 一係DIY下令佢重生都係一個幾好既方法~

依兩日好天返~打算禮拜四去試竿!!有結果再同大家講~

回復 3# heyman133000


    師兄,我支持!!無用變有用,廢物再利用......

回復 1# heyman133000


    你好, 我是玩手竿台釣的...

   c hing, 你支磯竿 更改 為手竿者,

   有機會是最堅硬的手竿...

    我巳按捺不住, 想邀你試竿...

    若不介意, pm 你可以嗎, 到上水梧桐河鹹淡水段..

    一同試試, 可否克服巨物....

回復 6# martin4234

我唔係專業地玩台釣的...只係久唔久去可屠房拉下羅飛過下手癮~
支竿其實唔係太硬...甚至佢比硬調既手竿再軟少少......
我依個禮拜四同禮拜日都會去試下竿~有興趣可PM去師兄想去之河段~

依排落雨無去釣魚...爬爬下文見到人拆磯竿做手竿~
見好似唔係太難..工具材料又唔係太多..自己又有支 ...
heyman133000 發表於 2011-5-16 22:02

                               
登錄/註冊後可看大圖

    Hi C Hing, 你個post好正好清晰. 小弟玩開磯釣, 間唔中學下人係碼頭邊玩手竿, 咁耐以來中過幾次一斤左右嘅魚, 感覺已經好刺激! 加上睇咗你個教學之後, 真係好有衝動搞番支diy玩下先. Thanks for sharing.

回復 8# iRay


    多謝你先~
提醒一下, 唔好用D真係好舊好舊幾舊竿...因為可能太舊既關係有內傷或者氧化得太勁, 會太脆, 好易炸竿......
無謂浪費功夫啦~

多謝ching提點