船費連餌要差不多三千架~
用20磅魚嘜絲~ 不過都斷咗四口.......
我係呢帶起過最大嘅黃立倉有十斤重~
呢帶仲會有怪獸 , 我哋試過釦釣到条鷄魚個背脊比野咬咗一忽(条鷄有一斤多), 心諗一定有怪獸, 就即刻用一百磅加鋼帶腳, 線尾縛一個電腦箱太的發泡膠,再鈎条生鷄魚然後放係船尾去試吓佢食唔食, 等咗十分鐘見無料到, 船家諗住收返上嚟睇吓条魚死未, 點知一收就即刻狂飈, 船家諗住同佢鬥頂, 我就喺個發泡膠鬆返D線出嚟, 但個好明顯D線仲不停咁出, 跟住我同船家講"唔好再顶喇, 手你都無呀~" 其實佢當時隻手個虎口位已經開咗...., 然後我就將個哋發泡膠掉落水再開船追, 睇住個發泡膠喺水面飛馳, 跟住可能個發泡膠出唔切線, 整個比佢拉咗入水, 十多秒後就彈出水面......斷咗......
船家話最有可能係大鮫魚.....不過釣唔到都唔知好彩定唔好彩, 因為我哋係一早去到就遇到佢, 如果上咗水都唔知放喺邊, 果日又曬 , 等釣完返埋岸我諗都哋發臭了...... |