尋晚好朋友2:30am打黎整醒左我, 吹下選購魚竿既問題...
傾....係好happy既, 但傾完之後又訓唔著, 點算好呢? 又搞爆光啦!
一支公5:00am已經到達釣場, 早左成半個鐘, 天都未光, 慢慢開架生啦.
今日流水唔錯, 由5:00am開始落流至8:00am, 有排拖都得.
但水又係極清, 心想都係隨緣啦.....
先用鮮黃色K-Ten BKF140拖下, 拖左一陣都冇乜反應.
就天色轉藍既時間, 中左一口疑似海狼既野(食得細力, 擺動大, 冇乜力, 又輕).
頂幾頂....甩左, shit!!! 算啦, 依D陰濕野唔係我杯茶.
6:00am天已經光齊, 見水色實在太清, 心想今次真係龜硬啦....
算啦, 換上自然色系既Yo-Zuri Tobimaru 130F, 掃返之前拖過既位.
拖左大概15分鐘, 去到一個避流位, 一下遠投, 慢慢收返黎....
突然間, 熟識既搶手袋感覺又係竿尖傳黎!
一抽! 清澈既水中睇到一個紅影反身, 隨後又係拉郁人既力量, over 50cm又黎啦!
死頂一陣, 回想正話甩過魚, 唔理甘多, 再大力抽多野!
車輪手甘收返黎, 埋到腳邊, 睇住條魚又衝入石洞, 仲入左半條!
leader不停係石面磨, 真係驚心動魄!
依個時候真係唔理得甘多, 死撬條魚, 出左黎, 再爆返入去! 大佬呀, 唔好斷呀!
你入去我唯有又死撬, 短短10秒之間既搏鬥, 感覺好似十幾分鐘甘.....
終於上水啦, 又係55cm, 今次輕D, 5.75lb.
今次記得帶腳架仔, 可以影合照啦!
我估依張相值得各位加分卦, 今次終於記得影啦.....
條魚臨走之前一下擺尾, 搞到我相機同塊面都濕晒!
放魚後拖左一陣, 見離遠烏雲密佈, 快快脆脆執野7:00am閃人! |