遇見100%鱲法會議員

新年後第一次飛溪釣行，早一晚仲特登為左目標魚“異鱲”準備對應嘅毛勾，呢段路…好好好好耐之前…剛剛出來工就黎過路營，而且亦未開始釣魚，隔左咁耐再到訪…而且仲係玩飛釣，真係無咩野頭緒，去到澗道見水色都算深色，應該係落葉嘅腐植質加上枯水期低流量所做成，其實對於釣溪魚其實係有利的，沿於澗道一路行一路釣，初初都怕低氣壓日子難釣，點知都唔錯喎，不單止魚肯咬而且仲釣到非常唔錯體型，我所準備嘅16號銅頭若蟲比18號更受歡迎，會撲上水面及咬到拉晒絲，整段溪有不同地型，有淺灘淺水潭，小水溝，深水跌級，開揚水潭，林木遮蔽嘅水道，變化多而好玩，香港不比外地，溪澗一般處於窄谷當中，選擇6呎1/2號短竿最好，如果你有準備落水裝備會令你釣得更得心應手，今次釣行揭開了今個年度飛溪一個好好嘅序幕，希望黎緊有更精彩嘅飛釣體驗！！