27/12/2016 -- 北風吹襲後花園.

今日6級大北風, 擔心天貓花園被吹散, 所以上去睇睇.
8點到達, 四周樹木被吹至東倒西歪, 搵個無咁大風位置.


因太大風唯有用15呎竿,  打幾竿後魚王周星星加入.
佢真厲害居然在此惡劣環境下, 21呎竿揮酒自如. 佩服.


但任佢技藝幾高都敵不過天氣,  整個早上都係同我一齊睇水吹甩鼻.
中午太陽晒暖後, 佢開始密密上魚, 我只能在旁欣賞佢支名貴並繼竿頂魚的完美弧度.

佢指導我改用04腳, 話水涷大風, 魚訊極輕微. 必需用幼細釣組.
真係講都無人信, 我一改用04腳即中目測40cm鯉魚, 可惜技術不佳斷腳甩魚.


4點太陽晒不到, 感覺更寒, 魚王早小時收工, 我就5點開開心心回家.


全日漁獲--
魚王周星星-- 錦鯉仔X10, 金魚x1, 和金x1.
skycat -- 錦鯉仔x7, 土鯪X2, 泰鯉x1, 金魚x1, 龍鯉x1.

多謝分享!
請問轉用04腳，係用幾長?
轉幼腳，駛唔駛轉埋幼主嫁?

FELIX009 發表於 2/1/2017 18:09
多謝分享!
請問轉用04腳，係用幾長?
轉幼腳，駛唔駛轉埋幼主嫁?

我用04腳主要是當時魚訊很輕口, 和配合細鉤(3號白袖), 目標是釣鯪毛和錦鯉仔(佢地個咀太細).
長度我只是以子線盒為標準. (我所有子線一樣長度的).

以前師父講過, 幼線應加長一些讓餌料減慢到底時間, 増加漂盪引魚吃餌.
當然, 如你用跑鉛方法就要短子線, 増強靈敏度.

至於, 主線理應相對配合. 但我懒就沒有轉... 都是用1.5主.
我想有大魚時,可馬上改用1號腳對抗.

這只是基本概念. 你可再向其他師父請教.

skycat772 發表於 4/1/2017 19:02
我用04腳主要是當時魚訊很輕口, 和配合細鉤(3號白袖), 目標是釣鯪毛和錦鯉仔(佢地個咀太細).
長度我只是 ...

多謝回覆指教!
有機會等我又試下。

係體操台好容易會遇到釣魚的師傅，
到時可再向佢地請教。

見笑, 我只略懂皮毛咋....!
而體操台高手如雲, 師兄你真幸福, 近水樓台,
佢地樂意指點新手. 有問必答.