爽YY魚排戰GT

地點:西貢雞籠灣

日期:1月20日(初九 大寒)

時間:2:00-4:00

流水:死流漲頂8分滿

天氣:無風多雲

魚穫:GT X6

    石狗數條   

話說當日又係我同朋友們久違了既魚排日,

平時上魚排我多數都只係fit魷加生蝦,

不過上年差唔多日子既時候見到有師兄上大星鱸(上次魚排跌落海果次)

所以今次都帶左小量假餌以備不時之需,

一開始如常fit魷,可惜除左朋友上一隻小朋魷之外就冇收穫,

下半場轉番去食糊位,一路fit就一路有野撞,

突然一下橫扯!!!心諗唔通大星鱸搶蝦??(因某姓周人士成日fit魷都變左釣星鱸….)

見佢仲實試下扯佢上黎見下影都好,

臨近水面果陣終於見到影,唔只一條,仲係一群GT呀!!!!!!!!

原本第一條上水既可以破記錄用餌木中GT,

可惜係GT群搶食途中俾其他GT撞甩左…..飲恨….

二話不說打開寶盒…..發現原來冇帶POPPER….

咁就試下DAIWA既魚魂啦!!

一落水亮片金光閃閃,快收兩下已經俾怪力狂扯,

原本都想慢慢俾佢爆下,不過周圍都係纜線只好鎖緊磅頂快手上水,

上水途中目測仲有十多條,快手拋出第二槍,

但係今次冇反應既??走去第二邊試下拋,

一路收又一路有野撞,嘿嘿…..今次冇死啦,

一沈  一抽  中呀!!!!

如是者左左右右起左幾條手仔都軟,

坐底抖下打俾周姓友人報告戰況,

言談間俾佢提醒左我,我用魚魂玩到上曬腦都忘記左GT最好玩既…

「水面爆裂」!!!!!

今次換上KINGDOM LURE既MINNOW,

行近水邊放隻MINNOW落水諗住拉番順D絲,

點知見到十幾條GT係對面排底衝出黎搶食,

連隻MINNOW都撞出水面,嚇到我同朋友叫左出黎,

定個神之後立刻作出水面攻勢,

GT係咪特別鐘意水面系??食得特別狼死,

起多幾條之後發現舌板都俾佢地咬爛,

由於今次係小弟釣咁多次魚之中最興奮既一次,

所以報告都長左D,萬分抱歉

多謝收看

隻魚魂真係幾好用

隻KINGDOM咁就報銷左啦

上魚排不忘的狗

師兄, 可否pm我魚排電話呀, 謝謝!

師兄, 可否pm我魚排電話呀, 謝謝!

very nice ar

西利。。。好精彩~tyjp-4-6^

師兄請問可唔可以pm魚排電話同點去?

師兄, 可否pm我魚排電話呀, 謝謝!

恭喜師兄!
師兄用咩架餐呀?

劲啊。。。。。。。

師兄, 勁勁勁！可否pm我魚排電話呀, 多謝多謝！