夢幻泡影之大澳....

首先今次係釣行分享....小弟不材..一條魚仔都釣唔到..所以想睇魚獲的師兄們要失望呢..麻煩請見諒..

一直都好想去大澳釣魚..最近有點時間..睇好船程出發..第一次有好多既幻想呢..



星期日及公眾假期船程表....


經過一個鐘頭船程終於到達大澳....係落船之後心諗好唔好即刻上返船去沙螺灣..因為我發現理想既標點距離我好很遠..而且人生路不熟..怎麼辦?


經過一輪爭紮....船都已經開走了..既然係自己一直既夢想..就決定踏上征途..大自然環境係唔同 D 既....


由碼頭行到去釣場差不多要一個鐘頭....係唔知頭唔知路之下..就選擇左呢一個釣點....現場睇呢舊石好似大笨象呢..


D石好鬼鈄....唔可以再繼續行落去..


呢個就係我個釣座....其實都唔係好想揀呢個位..不過已經算係現場唯一可釣既位置..漲盡既時候有機會打到水上黎..我都濕左幾次身..陰公


無魚釣為有周圍影下相啦....呢個位對出成七至八架艇係度釣魚..事後聽人講返..呢度唔知係唔係就係"將軍石"呢....


好有出礁既感覺....呢張相影得幾好睇....如果有魚釣下就更加一流啦...


釣完魚即刻去食野....返出黎熟左路都要行九個字..行到身水身汗..入左間荼餐廳價錢都算公道..睇睇下發現左呢張魚托..原來係09年 KIZAKURA 主場冠軍及大尾獎得主的..大澳果然高手雲集..


睇真D櫃面重有個獎...原來係今年既國際龍舟邀請賽冠軍獎座..大澳果然係一個水上之都...專出水上既勁人..


去到碼頭等船....太陽都開始準備落山..呢種感覺很舒服呢..不過要係度等足兩粒鐘..好彩D衫都夠晒暖..


蝦籽....感覺好似唔錯呢..佢話撈麵食最好..


黎到大澳..又點可以唔買D 蝦醬..勝利香蝦廠....行過都覺得好鬼香..


初初重同阿媽講希望有"食送"加..點知連魚毛仔都釣唔到條..釣唔到魚為有買返條....


全日唯一魚獲....當然要自己買啦..大澳之旅就咁完結..

師兄真系有心機。

師兄,
好羨慕的釣行啊! 除了魚穫, 總算好收穫呀, 大澳三寶都給你帶回家了;
媽媽一定好滿意, 那閑情的滿足比魚穫更值得享受呀.., 希望你下次有鮮魚回家考敬媽媽..

kms 發表於 2011-12-15 22:03

                               
登錄/註冊後可看大圖

師兄真系有心機。

吾....其實我自己唔係咁鍾意齋睇圖片..
所以會打返些少個陣時既心情....
經過今次既旅程令我更加了解自己....
例如選擇標點同埋撒誘鉺等問題....
雖然今日釣唔到魚....
但係我對整個旅程都很滿意....
希望你也找到釣魚既樂趣吧....

office-uncle 發表於 2011-12-15 22:18

                               
登錄/註冊後可看大圖

師兄,
好羨慕的釣行啊! 除了魚穫, 總算好收穫呀, 大澳三寶都給你帶回家了;
媽媽一定好滿意, 那閑 ...

多謝師兄既欣賞先....哈
不過我發現個邊D水質好黃下....
唔知係唔係因為沙泥碎石底既關係....
鮮魚呢D野隨緣就是了....
因為我本身唔食魚的....哈哈

師兄，咁嘅環境你支18呎梗係英雄無用武之地啦。你當日唔係搞磯掛?呵呵呵!

ygz1992 發表於 2011-12-15 22:42

                               
登錄/註冊後可看大圖

師兄，咁嘅環境你支18呎梗係英雄無用武之地啦。你當日唔係搞磯掛?呵呵呵!

其實除左手竿..我第二最愛就係 ISO 啦....哈
不過我一向用開生鉺比較少打粉....
但係屋企重有包半粉係度所以決定打埋去....
其實我試左底竿半至兩竿水都係得八至十呎....
可能自己對個位唔熟技術又唔好吧....
剩係俾D魚毛仔化鉺...
今日無帶偏光鏡睇得唔係好清....
剩係見到好多黑色細細條唔似泥猛既魚仔係個波附近..
釣唔到魚都沒有辦法....
為有盡量享受個釣程吧....

好文章一篇 ....... 讚 !!! ........... ~tyjp-4-4^

偉~ 發表於 2011-12-15 22:59

                               
登錄/註冊後可看大圖

其實除左手竿..我第二最愛就係 ISO 啦....哈
不過我一向用開生鉺比較少打粉....
但係屋企重有包半粉係度 ...

師兄，我前兩天中條花鱸個釣場只得7呎水，又大流，掛底多過食飯!

10呎8呎深都唔錯，食白果主要是因為海裏無魚啫...P

ygz1992 發表於 2011-12-15 23:26

                               
登錄/註冊後可看大圖

師兄，我前兩天中條花鱸個釣場只得7呎水，又大流，掛底多過食飯!

10呎8呎深都唔錯，食白果主要是因為海 ...

其實我唔識釣深場....(十八呎以上....)
因為平時係屋企樓下釣開都係七至八呎....
今日行流都可以接受呢....
其實釣唔到魚真係有D意料之外....
諗住石狗公都應該釣到掛....哈