今日同友人有小小時間去左大角咀碼頭釣魚,其實無咩期望,因為去開都龜到爆(相信大部分師兄會同意~!)...大約到夜晚七點幾鐘到見到有個呀叔開杆O係隔離釣,但見佢D魚絲起碼用緊8號,應該係想上大野...好啦,佢開左兩枝磯竿打沈低,然之後仲整左兩個圓型手排(後尾先知用緊10號絲同12號鈎!!唔怪得上到條怪獸斑!)拋左出去就同佢老婆吹水~過左一陣呀返突然沖左埋其中一個手排到話有魚重好大條,我更係即刻沖埋去睇野啦...因為用手排的關係條魚好快就上左水面!一睇真係好大條!跟手呀返攞左個撈箕好快就竿左條巨型石斑!
睇相好似唔係好大條但實際有兩隻腳掌有多的長,而且好肥,起碼十斤魚!
後尾同呀叔吹水知道佢間唔中O係呢度一係唔上,一係就上大野,有大油追,2斤紅由等!不過都係龜既多!
睇番呀叔原來用緊咩餌呢?4吋長街市死烏頭魚仔同就死的普通手指大隻基圍蝦!真係一係唔中一中就....
釣組方面10號魚絲,手指頭咁大的鉛同12號魚鈎直出!
小弟O係碼頭釣咁多次,呢次係見過最大的魚!真幸運!唔知其他師兄有冇O係呢個碼頭上過怪獸呢?!
|