二段釣組浮針試製

自己磯釣經常用由助投浮波同浮針組成的二段釣組，但市面上合適的浮針供應非常有限，而且分別不大，因此膽粗粗試下按自己要求DIY浮針......

材料：
浮針主體木材係圓形木條，之前係旺角中南書局買
針腳係玻璃纖維棒，係塑膠風箏用既龍骨支架，灣仔太原街D玩具鋪買



步驟 1：鋸出合適長度的圓木做浮針主體



步驟 2：圓木底部鑽洞插針腳

呢個係最難亦係最關鍵既步驟......無精準儀器唯有土炮製作簡單輔助工具，既係下面果D。


係同一條圓木鋸出一小段，底部中間用最幼既鑽嘴開個洞，因為圓木短所以應該難道不大。然後用膠紙綁實係一段U字鋁條.......就成為左簡單既鑽洞工具。


之後將浮針木放係後面，用下面既方式鑽洞，甘出黎既效果就比較有保證。



鑽洞完成，雖然唔可以百分百精準，但自己用都OK啦


注意：鑽洞要由最幼既鑽咀開始，一級一級擴大個洞，否則很容易走位或整壞支木。


然後切出合適長度既纖維棒做針腳，初步完成既様。


步驟 3：浮針主體打磨

先用界刀慢慢批條圓木，初步形成浮針既外形。


之後用粗至幼砂紙打磨成型，懶D可以好似我甘.......不過要小心


最后用1000號水磨砂打磨，完成圖




步驟 4：上色

右起：水溶性力架（學生用品，一般文具店有售）、白色模型底油、羅湖買既熒光黃、模型用既熒光紅同熒光黃


我用熒光黃同熒光紅，油個針頭，但要先上底油。基本步驟：
1. 要上熒光色的部分要油白色底油
2. 待底油乾透後打磨底油至平滑
3. 油熒光油，一層乾透後油第二層，如是類推，直到覺得熒光油層足夠厚
4. 上色乾後，油水溶性力架，薄薄地一層一層油，直到覺得夠厚為止。


時間關係，中間過程欠奉，否則天光都未油完。

曾經做過既浮針：



最左邊果支夜用裝，做法係浮針頂部鑽個洞，用一小段遙控模型車既天線膠管插入半截，突出果另外半截套一小段下面果種熒光軟膠管（釣具店有售），用快乾膠黐實，可以插3mm螢光棒夜水用。






完成圖


使用方面，可以用極幼既鑽咀係浮針腳鑽個洞，或者懶D用下面既膠套直接套係針腳，可以隨時變固定或游動方式。


實際使用情況


最后，如果加上呢D係羅湖買既標示桿，鑽個洞係浮針頂仲可以做超敏感既浮針或者淡水浮標。

做得好正喎！
試左水未呢？
有冇咩係最難控制咁呢？

TEN69 發表於 2011-10-20 11:32

                               
登錄/註冊後可看大圖

做得好正喎！
試左水未呢？
有冇咩係最難控制咁呢？

多謝晒版大！
試左水啦 http://www.fishinghk.com/forum/thread-201304-1-1.html

感覺：長果幾支犧牲少少靈敏度（不過大風情況下都無所謂），風中穩定D。不過由於變左自立，無左非自立浮針探測釣組是否已經張開既功能。但如果調教重心令到佢唔自立，又增加左風中既唔穩定性，睇黎兩者只能取其一。

短果D同用開既浮針差不多，但粗少少目視性比較好

多謝師兄分享!
剛想話做自制浮針, 但看過你的天書,
可以放棄自己的陋想了, 做你徒弟好過......

all-kind 發表於 2011-10-22 10:06

                               
登錄/註冊後可看大圖

多謝師兄分享!
剛想話做自制浮針, 但看過你的天書,
可以放棄自己的陋想了, 做你徒弟好過......

C兄太客氣，網上好多自制浮標既貼好有參考價值.....
我都系睇埋睇埋試下做喳

手工相當精緻！