新手初釣天水圍

經過近日咁多位師兄介紹天水圍有幾好景之後
終於都克服心理障礙正式下海
如果天水圍渠都有梧桐河咁有樓梯有石壆咁幾好呢
人短腳又短又唔識游水
萬一跨欄出左事上報紙就唔係幾好
實在好佩服d叔叔求其一個石壆位咁斜都可以坐到落到竿

總之卒之係跨左出去支流石壆位
（橋底位因為太淺水所以被迫放棄）
天水圍渠叫做渠唔係無原因
至少上水臭河係真係乾淨好多……
不過朝早啱啱去到個陣支流位數唔晒咁多非仔非女聚集
真係好壯觀

開竿調好標正落第一槍打窩之際
成條主連子連標飛左出街
之後先發現竿頭繩頭散晒個結鬆左
好在水流冇乜先用另一條主拉番支標連成套線番黎
之後d線打晒交連埋解線前前後後冇左個幾鐘
不過執得番支標都算係今次最大收穫之一……

今日既裝備係小稻穗450
餌係918#2+釣x大（2~3:1）
正式黎講係第一次自己溝餌
但係好似好難較到佢掛鈎掛得好

雖然係冇釣到其他魚
不過有大大細細既菲黎搞我都好滿足



其實睇相都睇到對面d樓既倒映係真係影響睇標……
最尾個條一上水就係咁樣勾中肚真係好得人驚
想請教各位師兄中間係唔係有條係網紋黎架呢


玩到半路有位師兄響隔黎開竿
雖然大家冇咩傾到兩句
但係都分享咗好多有趣既片段
比如係大家都勾到樹枝（唔係一碌係一棵）
又見到水入面有水蛇游過同青蛙咁


前前後後釣左5個鐘咁上下
唔知係唔係支竿太重既關係手而家都幾痛下
不過真係好好玩
希望下次有機會中大條d既同埋同其他種類既魚見下面啦

係呀, 中間條係網紋呀!!
不過呢度真係超多非毛!!!

恭喜!
如果唔係前陣放左水, 今日我都去.
果度有時係有D大怪物, 如果唔想釣非仔, 用D粗D腳都應該ok. 上次因為有大魚拉斷線, 改用1.5腳線都上到非仔.
應該仲有幾個叔佰去果度釣. 佢地主要係加所以去釣魚.
你用乜機影相, 點解禁多雜訊?

仲有, 個斜坡係可以用竿架, 下次唔洗禁辛苦.

回復 1# morimami


    師姐(比賽你坐我左手面..下午個part) , well, 我上完台釣補習班先至切底更改了釣組.....

    我feel 到你用緊類似 鹹水 裝備...(夾鉛/倒刺勾)

    大家得閒攞出泥鑽研吓la... 或許可以下次釣得更勝一籌

我想！天水圍都是用淡餌才能釣到比較魚體大一點的魚！

好嘅開始，下次叫多d人一齊去釣魚，c姐。

係呀, 中間條係網紋呀!!
不過呢度真係超多非毛!!!
亞昌 發表於 2010-12-1 23:05

終於都實際見識過勒
多謝指教

恭喜!
如果唔係前陣放左水, 今日我都去.
果度有時係有D大怪物, 如果唔想釣非仔, 用D粗D腳都應該ok. 上次因 ...
highbeam 發表於 2010-12-1 23:22

我部機係人地留比我既
應該唔錯
可能係ISO較大左
斜坡試過450都飛唔到條線落水（可能係我唔識拋

回復  morimami
    師姐(比賽你坐我左手面..下午個part) , well, 我上完台釣補習班先至切底更改了釣組. ...
martin4234 發表於 2010-12-2 00:32

  
梗記得啦
下次我會夾左D倒刺佢（有時D魚中D位都幾傷）……
至於夾鉛因為河底唔平覺得好似點調標都好難調準……

我想！天水圍都是用淡餌才能釣到比較魚體大一點的魚！
無名 發表於 2010-12-2 06:10

  
因為手上都只係得兩種餌（釣得大+918）所以唔清楚淡餌係點分
感覺上係咪腥粉蝦粉凍餌個類算係濃味？

好嘅開始，下次叫多d人一齊去釣魚，c姐。
kk.kk 發表於 2010-12-2 22:46

一諗到要跨躝就驚驚勒




今日去多轉（咩都帶齊就係冇帶相機所以冇相）
用既裝備一樣可能適應左點拋竿所以手冇點痛
只係早左去同第一轉餌加左蝦汁（前排海釣醃蝦醃出黎既）

但係魚就少過上次亦細條過上次
開始中魚既時間亦同上次差唔遠
好多時有魚攪標但抽就抽唔到或者感覺到擦身而過
（同鼻涕竿一役個陣下晝個場感覺差唔多）
唔知係天氣涼左定係餌既關係

今日用晒D918想買D新野試下
暫時打算買918野戰或者丸9福壽粉+蝦粉
亦都會買定D拉絲同黏粉（包釣得大應該算係打窩料）
個包釣大仲有剩但係唔係好識用
係唔係加D拉絲同黏粉就直接當餌咁用得呢

如果釣點係天水圍同上水臭河
咩種類咩大細既魚都唔拘有魚攪我就OK
唔知師兄有冇咩推介既呢
好多時附近舖頭賣既餌過期成年幾兩年都唔敢買
過期粉對品質同引魚效果會唔會差好遠呢

其實都幾有興趣知上次鼻涕竿個份餌係咩黎呢
只係聽到D師兄講好似有加左凍餌響入面
但係因為儲存同攜帶既原因暫時唔考慮凍餌

另外有冇需要買香精
白粉雪花粉個D又係點用既呢
目前會用餵魚用既麩捏碎調較黏度
但係有時加水份量又覺得加多左唔知點處理好
呢個時候係唔係加黏粉？
請指教

通常秋冬天多數會釣香粉, 因為目標魚係白鯽鯉魚,,,, 夏天日水釣香粉又好d, 夜晚用非粉就好d, 因為日間太多小非了!!!

如果玩日水用香餌好d, 即係白鯽鯉魚鯪魚粉個d, 用羅非餌會好惹非仔, 好難釣到大小小既魚的

終於都實際見識過勒

斜坡試過450都 ...
morimami 發表於 2010-12-5 22:40

                               
登錄/註冊後可看大圖

下次叫我, 我每次都會帶3-4種釣去試, 幫手試下....