本人啱啱呢一個月黎每星期六都會同友人去三仔同一個魚排釣魚 , 好好彩每次都釣到廿幾烏魚 , 但係同一魚排上有其他魚友(十幾個) , 就只有一兩個有釣到三四條 , 如是者過咗4個星期啦 !! 期間有幾條友都會問吓我地點釣呀 , 用乜餌呀 ,點點點呀咁 . 我都好老實咁講咗比佢地知( 就算唔講佢地望都望到啦) .
但係我見呢班友佢地只會買多一種餌黎試釣吓咁款( 我唔排除佢地想釣其他野嘅) , 另一面依然繼續用佢地果啲又紅又綠又釣唔到魚嘅粉 , 係咁好努力咁打呀打...打咗幾個星期 ...
故事完啦 , 問題我有兩個 :
1) 點解d人明知係果個地方 , 果一種魚 , 係食果一樣野 , 佢地唔諗吓應該點用 , 只會繼續用自己果套加埋人地嘅去用呢 ?? 係唔係世事所有野一定係越多就越好呢 ??
2) 到依家嘅人環保意識點解仲係咁低嘅呢 ? 海嘅硝化能力真係有限架咋 , 係香港嘅海凈係要應付人類一般係生活上嘅污染 , 已經難攪 , 仲要比你呢班黎娛樂嘅百上加斤 ? 問題係你地打落去嘅有魚食咗 , 佢地會飽 , ok 沒問題 , 佢係如果十個廿個一齊係咁打 ,
就係另一種污染 , 如果養過魚嘅人就會知 , 有野食唔晒缸水就壞 , 主要係食物食唔晒就會有大量嘅菌來硝化 , 大量嘅硝化菌會用咗大量嘅氧氣 , 咁水裡面氧氣短缺就後面嘅唔洗講啦 !
另一方面我地用緊嘅南極蝦係搶奪咗好多海洋生物嘅食物得翻黎 , 其實係一個好大嘅環境破壞( 只不過唔係我地眼前發生我地感受唔到啫) !!
最後我想講 , 有錢買釣餌唔係大晒 , 請珍惜釣餌 !! |