二手區約買絞被放飛機

爆叔，首先小弟並唔係攪事
事源响上星期，二手區有位＂xxxxxxxxxx＂師兄(電話我唔想公開), 佢放隻hyper force 連一隻fireblood杯共$2800，我就pm佢相約地點交收，點知約咗幾次呢位師兄都到臨交收之前2-3個鐘話唔得閑，最後果次重no show 放飛機，打比佢電話又唔聽。
其實買唔買都好嫻, 如果你認為有人出高價要買比其他人, 真係無所謂, 但都起碼打個電話比我, 唔使我等成晚AR
爆叔，我想問下二手區係咪有得向買賣雙方評分架？等其他師兄小心d都好丫

呢位師兄,
二手買賣之間真係會有機會涉及多好多好問題,
而且呢D係私人之間問題,
本網已經非常非常非常非常清楚說明,
絕對不可將因買賣之間衍生嘅問題放上網,
你地絕對要自己衡量及有心理面對任何問題,
而且你亦絕對不可以開人個名!!
至於電話,如果你公報出黎,你絕對係觸犯個人私隱條例!!
對於你提及之人士,
小弟並唔認識,就算認識,我絕對唔會作任何評論,
亦唔建議其他人評論,
始終第三者係完全無資格講任何說話,
至於二手版帖內的"踩"及"頂"功能,
只係方便大家對物品評價嘅一個指數,
並唔係用黎評價個人!!

以上回覆,唔知你清唔清楚??
伸訴版亦唔係為解決私人問題而設,
對於你嘅遭遇,如果對方係刻意放你飛機,玩你...
我亦替你不值,始終浪費左D時間,
不過你亦難保對方真係有事發生,交易唔到,
小弟建議你再嘗試聯絡對方了解一吓,
我自己都曾因事忙,完全唔記得約左人交收,

最後我要再次說明:
任何人士,請勿隨意公開他人私人資料,
包括姓名,聯絡資料及PM短信內容,
否則你已觸犯個人私隱條例!!
亦請私人問題,私人解決!!

此帖已處理,關帖!!