手作...
重新再做一批小天平,今次就上左不同顏色,咁樣釣會開心D,趁今日開始復活節假期,就留家完成埋手作手尾,開好啞光力架,將噴好油嘅鉛粒浸力架做保護層,黎緊就趁假期出去體驗一吓,本來訂左專放小天平嘅透明膠盒,我諗好大機會要假期後先到...
上啞光力架係幾靚的!!
釣行...
陰陰天出發到海邊,正好水退時間,整個弓海灣水位都好低,好多位置都只係一兩呎水,不過唔理喇照釣,我地準備左青蟲,由第一槍開始魚信基本上無停過,淺水位多數都係魚仔,立立雜雜乜魚都有,又忙碌又開心,我就玩單勾,朋友就三門勾嘅仕掛,中意點玩都得,攪左一日各自都有一堆魚仔返屋企煲魚湯嘆吓!!
檢討...
同一個小天平昨日沙呢灘玩左半日,返來就要了解吓使用情況...
鉛粒 7G
鋼線直徑 0.6mm
鉛粒漆面磨底脫落係預期之內,之後再試吓其他漆去改善,睇磨損情況可以睇出,一路收返來天平角度係做到預期效果,子線維持向上漂揚效果,鉛粒磨低揚起嘅沙泥,以及口餌維持有短距離離底漂揚,同步吸引到魚注意,顯然就較少冷場出現。
雖然釣半天都係魚仔,有部份都有大條小小,亦有一定沖力,0.6嘅鋼線基本上無乜變型,不過抗鏽能力如何就要用一段日子先知道,鉛粒上下我已經用UV膠封死,咁樣已經減少左水份進入,應該效果會唔錯!!
|