釣魚人的有趣心態....

我又有感而發喇，又要大家唔嫌煩咁聽我UP.....
今日突然諗諗下，發現大多數釣魚友都有個好奇怪的矛盾心態，就係又想SHOW OFF，又怕人影響到佢地作釣，呢種情況最常出現響碼頭，
經過觀察同思考之後，我將呢D心態的釣魚人分成以下幾類。

反射系：
呢類釣友通常係一家大細，大小通殺的養住D魚俾小朋友玩，最常見係用透明吹氣魚缸裝住釣獲，小朋友玩緊D魚的同時，每當有遊人埋去睇佢SHOW OFF的釣獲都會借意大大聲話個小朋友唔好整死D魚、埋黎睇爸爸釣之類的說話來表示俾遊人聽佢有釣到魚，到遊人埋去佢身旁睇果時佢就會大大聲話個小朋友阻住佢同好危險之類的說話，擺到明係借小朋友來反射說話俾其他人聽。矛盾的地方是佢會將個魚缸放響離佢老遠的當眼處，荒死路人見唔到咁，大聲話個小朋友只不過係想話俾人知D魚係佢釣到的。

霸道系：
呢類通常係D上左年紀的叔叔，用D比較霸道的釣法作釣，例如一個人一次開好多支竿，打橫阻住條行人路SHOW OFF佢D釣具，路人埋去望下佢D竿，不論是否中魚都會立刻埋去攪返來再拋過，呢個動作好多時都係故意的，好似扮哂中魚咁....唔識釣魚的路人以為佢中魚就會不禁叫出例牌對白「嘩！好大條呀！成支竿彎哂！」引來更多的人圍觀，期待佢中魚的路人更會問佢係咪中魚，佢會擺出一副不屑或不耐煩的表情，示意路人阻緊佢，路人期待睇佢表演拋竿的同時，會話D途人阻住佢或者好危險之類說話叫人走開。
的確很典型的常見矛盾表現，故意引路人注意又要嫌人地阻住佢....

擺明SHOW OFF系—：
呢類人通常係為左解悶，冇魚上的時候引下人注意，呢類人通常都係早前中左魚，用生扣養住，見開始多人行的時候故意拉D魚上黎俾人睇，明明要知道D魚有冇死或走甩，只需要拉到水面就OK，但佢地總係喜歡全組拉上來放響地上SHOW下俾人睇，當然一樣係為左換來例牌對白，不論大小都聽到「嘩！好大條呀！」，SHOW完幾分鐘又放返落去，路人問佢咩魚、點釣到之類的問題，會擺出一副不屑的表情不願意回答，甚至示意叫人唔好搞佢D魚，最常見係D定時定後有人上落船的碼頭。
心諗...你唔想人搞，拉佢地上來做乜？真係諗住檢查下D生扣有冇鬆？要定時數下釣左幾多條？

擺明SHOW OFF系二：
呢類通常都係BOAT GAME完返黎的釣友，將收獲排哂響碼頭影合照，除左影相同SHOW OFF之外，我完全諗唔到佢地係為乜要咁樣做，當然原因同樣包括換來例牌對白「好大條！」啦，圍觀的路人讚嘆、問長問短，相信你地都預左，你地目的相信都係為左收視率，但同樣地擺出不可一世的態度對路人咁又為乜呢？影相、SHOW OFF都冇問題，呢D係分享釣魚喜悅的其中一D方法，但你咁做除左預左引來圍觀者就預左，阻住你影相你都預左，唔想人影響你地點解唔返到屋企或者船上影？有冇諗過你D魚獲會搞到地面好滑？有人跌倒點算？特別係FIT魷的朋友，墨汁會搞到成地都係，邊個會幫你執手尾？

血腥系：
最近見過有D叔叔會CHOK烏頭，CHOK都唔係咩問題，都係釣法的一種，但明明有帶野來裝魚獲，總係要由得D俾你搞到血淋淋既魚通地跳，搞到一地都係，荒死人唔知你CHOK上黎D魚係新鮮生猛有生命咁，一樣啦，引來路人例牌對白「好大條！」加多句「好生猛！」，你完全唔理D魚，會滑倒路人唔駛講，迫人地睇你D血腥表演好似唔係咁好囉....莫講話大人，有冇諗過小朋友見到會點？特別係海運果邊，條路已經好窄，旁邊仲要係馬路，圍觀的人為左睇你D魚都唔知出現過幾多驚險場面....
一樣啦，被圍觀後又會嫌人地阻你拋鉤、嫌人地搞你D魚....為乜呢？

好多時見D釣友想同其他人分享釣魚的喜悅，故意吸引途人來圍觀，但又會嫌人地阻住佢、影響佢，真係好矛盾.....
好多唔認識釣魚的人，不論你釣到手指尾咁大條既石狗定係斤頭魚，都會有句例牌對白「好大條呀！」，甚至見到你用假餌或姣蝦，都會不禁叫聲大條，唔知係咪男人特別享受被人讚「好大條！」所以都中意釣魚時咁樣搏取收視，有時見到呢種現象都覺得幾好笑....

ShowOff係人類本性,係人都中意其他人覺得佢勁~tyjp-3-10^
不過你講漏左一類,
就係中意ShowOff自己架生嘅傻仔~tyjp-3-6^
又一種傻仔我都幾常見,
就係Fit魷果陣較到個Drag鬆一鬆果D,
仲鬆過賴屎~tyjp-3-10^
每一吓動作都發出出絲聲響,
你老味咩...Fit條毛??
大佬,佢究竟知唔知自己隻蝦有無跳起,
慌死人唔知佢唔識Fit魷~tyjp-3-6^真係笑欖死我!!

naobao 發表於 19/8/2014 16:08
ShowOff係人類本性,係人都中意其他人覺得佢勁
不過你講漏左一類,
就係中意ShowOff自己架生嘅傻 ...

我fit魷果陣都會用瀨屎drag，睇下咩場合啦，特別用細蝦明顯瀨屎drag易中d，
我覺得釣魚除左需要技術外，緣份都係因素，見過有人一次開五六支竿黎show off魚毛都冇條，個小朋友亂玩一通就中條斤頭班，
某次去水中天見過有位師兄真係極品，全身shimano裝備，唔知真係以為佢係shimano tester，一個人來釣，聽音樂開到勁大聲，超大個硬竿袋用來做音箱，似時裝表演多過釣魚，每當有人經過佢身邊都會好不屑咁啤人，吹漲……

太賴屎跳唔起隻蝦