請你給我一個說法。

『師兄，如再在深船板制造事端，我會禁你IP，希望你懂得珍惜自己得來不易的積分。
如有投訴，可到伸訴區出帖。』

『kevin2007 發表於 2011-9-8 21:17  
嘅然貴綱不願亦不接受別的聲音,那請版主立刻禁掉我的ip~~我也不想再到貴綱瀏覽了!!請幫幫忙 謝謝!!現在我 ...


綱主已回應了投訴，我亦没有補充了。

温馨提示:

ygz1992用師兄署名在伸訴區出帖，如ygz1992非師兄本人，請向綱主跟進。
如果是師兄用ygz1992帳号發帖的話，亦請保管好每個帳號的登入密碼，以免混亂。』


蕭生，此帖不討論你警告我、扣我分、禁止我發言的行為有沒有理據、是非對錯。


你回應kevin2007時，指我在伸訴區用他的署名出帖，這是不是一個事實?你暗寸我有兩個不同戶口、自己撐自己、自己加分給自己，有沒有這回事?你這種行為詆毀、侮辱我的人格，你是否應該向我道歉及收回你的言論?


網主將你的不恰當言論淡化為:「有關版主向你提及用戶身份問題，原因無你咁複雜，只係佢地唔知呢版被禁者可以出帖。」這個說法我不接受。原因好簡單，你封殺我之後，指出「如有投訴，可到伸訴區出帖，」你又怎會不知道我還可以再用ygz1992戶口出帖。你亦說「亦請保管好每個帳號的登入密碼，以免混亂，」明明白白指出我跟kevin2007是同一個人，暗諷我賴死不走。你這種詆毀、侮辱我的人格的言論，有沒有事實根據?


請你給我一個說法。

首先唔好意思,我改左你個標題,
因本版已規定,只有我一人回應,
一陣你指名嘅人唔出聲,
我怕你以為對方唔尊重你嘅投訴,
特此說明!!

有關一切投訴,無論係對工作人員或網站,一律統一於此版由本人處理,
其他版區不處理此類問題,敬請留意,往後有發現,只會直接刪除,不會轉版!!
到時不要再因此原因而投訴啊

對於你今次所指嘅問題,之前我已向有關版主了解,
實情亦只如之前一帖所回應咁,亦無其他原因補充!!

指你在伸訴區用其他的署名出帖，這是不是一個事實?你暗寸我有兩個不同戶口、自己撐自己、自己加分給自己，有沒有這回事?
答案如下:
這不是一個事實!!
暗寸你有兩個戶口??沒有這回事!!

版主曾發出之回應內容...
ygz1992用師兄署名在伸訴區出帖，如ygz1992非師兄本人，請向綱主跟進。
如果是師兄用ygz1992帳号發帖的話，亦請保管好每個帳號的登入密碼，以免混亂。』
師兄,你真係慶到影響分辦能力,等小弟清楚解釋以上說話喇,
第一行...佢話有位用戶ygz1992用你個account喺伸訴版出帖,
因佢唔知被禁人士可以再出帖,所以有D擔心出現問題,
我亦都有提及待你回應後,考慮解禁,
所以同你講,如果有懷疑帳戶被盜用,可以向我查詢,找我跟進.
第二行...只係溫馨提示
師兄,我私人勸你,做人無謂太過陰謀論,
他人說話你唔接受,咁乜野你都會覺得暗吋你,
個人感覺點處理呀??
咁樣好痛苦架,亦容易痴線!!
我只當你係朋友,所以先至咁講,
你千其唔好投訴我
或者咁喇...我同其他工作人員傾吓,如果佢地又願意又得閒嘅話,
下次你老哥,再有相似情況出現,
盡量打多D字將會說話意思解釋過你聽好無??

你所謂嘅淡化者,只係講不到你心目中所想,對嗎??
好對唔往,我無能力知你想要乜答案,
就算知,我地亦唔會就住咁黎講,
只會直接講出事實情況,
會否接受,我地無能力控制,魚樂網亦唔係為一個人服務!!

你封殺我之後，指出「如有投訴，可到伸訴區出帖，」你又怎會不知道我還可以再用ygz1992戶口出帖。
師兄,你攪錯左個次序,係講左"如有投訴,可到伸訴區出帖"先,之後先禁你,所以上面我所講係成立的.

明明白白指出我跟kevin2007是同一個人
無見到咁嘅說話出現過喎??
我曾check過你兩位IP,如果以ip地區睇,你兩位應該唔係同一人.

唔好再你成日講他人"暗諷","暗吋"你喇,
咁樣同古代文字獄有乜分別,
以想像入罪,大佬...通唔通??

對於一D實質見到嘅野,絕對可以嚴正言詞指出黎,或者要求道歉及收回言論,
例如...你話版主因維護朋友關係,而鬼鬼祟祟警告你,如你無辦法證實自己所講係事實,
咁版主就有資格要求你道歉及收回言論,不過...我地已傾過...呢D小事就算喇!!
例如...你話被加分者搞到佢地以為自己好醒、好有型,
如果有曾經於"深海船釣版"被加分者投訴你言論嘅話,佢地又係可以要求你道歉及收回言論,
不過...我會盡量勸吓佢地架喇!!
你或者唔知呀...事實係有人真係PM過我,話你亂Q咁講,
但礙於私隱條例...我唔可以話你知係邊個
你又唔好PM問我喎,我一樣唔講你知...
佢地呢D雞毛蒜皮嘅投訴,放心喇,交俾爆叔,我會攪掂佢架喇!!

此帖待你回應後就會關閉,
其他人士,請勿回帖,
否則禁訪處理!!

網主，這種事情都要你處理，我真係戥你辛苦!

古人云:「子非魚，焉知魚之樂?」我說:「你唔係某人，你又點知佢嘅想法，你又點可以代表佢給我一個說法?」

某人扣完我分後，講風涼話叫我「珍惜得來不易的積分」時的得戚咀險，跟現在死狗一樣的咀險，真是一個非常強烈的對比。正如你之前所講，受者的感受最重要，因此請不要跟我說甚麼滿腦子充滿陰謀論、反應過敏的說話。

第一、        既然「ygz1992用師兄署名在伸訴區出帖」不是一個事實，某人就是隨便亂講，因此，請你公開“提示”某人如果無證無據，詆毀網民ygz1992，係完全不負責任的言論。

第二、        「佢話有位用戶ygz1992用你個account喺伸訴版出帖。」這句說話甚麼意思?我看了幾遍都不明白。ygz1992如何用kevin2007個account喺伸訴版出帖?除非ygz1992即是kevin2007，kevin2007亦即是ygz1992。某人有沒有自以為好聰明，暗示兩人其實是同一個人?如果沒有，白痴才會相信ygz1992可以用kevin2007個account喺伸訴版出帖，我說得對不對?

第三、        某人又點會唔知被禁人士可以再出帖。某人不是懶得戚咁指點我「如有投訴，可到伸訴區出帖。」其後，某人不是再說「網主已回應了投訴，我亦没有補充了。」這不是明明白白顯示某人已知道我已在伸訴版出帖?你意圖開脫某人的解釋，只會徒勞無功。

第四、        從來有沒有人以kevin2007在伸訴版出帖，某人又點會唔知?咁點解某人謂「ygz1992用師兄署名在伸訴區出帖?」只有兩個解釋，一、某人發雞盲;二、某人意圖插贓。

第五、        甚麼「懷疑帳戶被盜用，可以向我查詢，找我跟進。」有網民以kevin2007在伸訴版出過帖咩，簡直是廢話!

第六、        甚麼「溫馨提示?」我只見到某人得戚的咀險。我打完你比個「溫馨提示」你，叫你快些貼鉄打膏藥，還叫你無謂太過陰謀論，我是一番好意，你唔接受我嘅好意，會好痛苦架，亦容易痴線!!你會點諗?


其他的我不回應嘞，再講落去，只會沒完沒了。既然某人不能或不敢回應，我亦無謂令你難做。

如我的言詞有冒犯之處，還望包涵則個。

ygz1992 發表於 2011-9-11 04:01

                               
登錄/註冊後可看大圖

網主，這種事情都要你處理，我真係戥你辛苦!

古人云:「子非魚，焉知魚之樂?」我說:「你唔係某人，你又點知 ...

師兄,
你嘅回帖,我唔回應喇,(除左第六點)要講嘅野都已講晒,
其實睇吓睇吓...恕我無能...我都好亂...唔知你講乜!!
而且亦係你心中假設性嘅睇法,
再講...答案都係一樣...
回應第六點...如果係我,第一時間我會唔高興,但係我會諗吓自己係咪諗得太多...我亦會問番果條友仔點諗!!

無論你點諗都好,如果你認為我為版主所作嘅事開脫,
或者版主不敢回應...你實在太睇小我地喇!!
你真係唔知道...呢幾年黎...
魚樂網嘅版主都曾經俾我當眾扣過分,
亦有網友投訴版主不公,而導致有數位版主不歡而散走人,
我到呢一刻,呢件事上,我仍然覺得係可以面對到群眾,
一隻手掌拍唔響呀...有因必有果...
(你就除外)因為你由始至終都認為問題從來無發生過喺自己身上,
所以我地做乜野提示,乜野回應,你都認為係錯,
無論係保育嘅帖,抑或今次嘅帖,永遠有問題,只係其他人,
所以無計喇...我幫你唔到...俾唔到你想要嘅答案你...
我唔可以迫你接受我俾你嘅回應,
正如我亦唔可以迫一個我認為處理無問題嘅人向你道歉!!
我強調...我並無話你錯,堅持自己想法係無錯,只係普遍上能否得到認同...
好可惜,你嘅想法,喺呢度,無辦法得到妥協及認同!!

此事已作最後回應,關帖!!
亦請你不要再就同一問題再發帖投訴!!
如再有任何問題出現,將公事公辦,敬請知悉!!