你真係肉Q酸

蕭生，批評下你啲老友嘅行為、嘲笑你兩句，你就老羞成怒，先扣我分，後禁止我發言，你嘅胸襟有幾廣濶，不言而喻!

你既然沒有接受批評的雅量，只懂得維護你的老友，你沒有做版主的資格，請你自動下台。

網主naobao，我現在向你投訴joesiu此人禁制言論自由、對人不對事、針對本人而作出扣分、禁言的不當行為。


kevin2007無言感激!

事起於此帖...對嗎??
http://www.fishinghk.com/forum/thread-199629-2-1.html

我會逐點回應你!!

喺13樓,以下言論你受到警告!!...相信係事件嘅起因...

嘥氣，爆釣魚毛十擔八擔都有人(包括啲M)話「羡慕」、「欣賞」、「恭喜」，又加分，搞到啲友真係以為自己好醒、好有型，咁嘅行為對保育文化嘅推廣只有反面作用。

駛個二千幾要賺突，無何否認係好多南油友嘅心態。

一般人理解你所講嘅"M"應係指版主,
其實小弟十分唔明白,你非常喜歡批評他人,
早前你的一帖...http://www.fishinghk.com/forum/forum.php?mod=viewthread&tid=197772&highlight=
已經引起好多矛盾沖突...
我地要處理真係好無奈,不過我只能同你講,如何任何人講嘅說話內有挑釁動機,
請注意:唔係你自己覺唔覺得...
除非確定對方只係一個不懂事嘅細路仔,我地或者會好言相勸解釋,
否則...只會直接按網站守則處理,
防微杜漸係我地處事一般原則,無論網站任何一位工作人員都係一樣,
除非你有能力証明,你上述一番說話,絕對不會惹起加分俾嘅網友或被加分者反感,
否則警告處理係成立!!
如我上述所講嘅情況,你有理據反對,非常歡迎你回帖提出,
如屬我地處理失當...
小弟及魚樂網係會正式向你道歉!!

以下係個人再次代表魚樂網表達對保育嘅睇法...
本網只有一個原則...當你表達此類睇法時,
只要涉及批評他人,特別係有指向性...
例如...你此13樓指明批評加分者及被加分人士,
動機...我唔去估亦唔去諗...
手法絕對有問題,亦絕無效果,
世人並無桃花源,亦無烏托邦,只有現實世界,
我再一次強調,本網歡迎任何保育言論睇法,
非常不願意睇到肆意批評他的言論!!

14樓...

哈哈哈，講出事實都被警告「為免引起爭論，請小心用詞！」

咁我跟你商榷下，蕭生。有釣友起七担雞魚，你話「我好羨慕!!」，再加分，即是你認同佢嘅行為，你嘅言論跟魚樂網提倡的「保育文化」、「放生文化」是否背道而馳?

你指嘅"講出事實"...13樓內呢一段"駛個二千幾要賺突，無何否認係好多南油友嘅心態。",我個人某程度係同意,但相信及無證據顯示所有出南油嘅釣友都係咁樣!!
至於"啲友真係以為自己好醒、好有型"係咪事實及事實之全部,相信呢個世界無人夠膽話一定係咁,當然你或者有事實証明呢一點,如果有,歡迎你提供!!
就算你所講嘅一切都係事實,咁...又如何??
事實...不代表係言論無問題,只要影響到和諧交流氣氛,本網就會處理!!
另一點,我想代蕭生回應,因你提到本網一D原則...
我地對本網各位幫忙嘅手足已有溫馨提示,
如有時間的話...對網友魚獲發帖,應多作鼓勵,內容是否符合釣魚世界將來保育遠景,
除非本網改變真真正正的保育網,否則處理上不應有分別.
站在保育高地,唔係我地目標...你早前嘅帖,我已講左好多好多好多好多好多好多好多好多好多...大家已好攰,唔想再重複再重複再重複...
你堅持要咁樣表達保育意見,堅持要用批評吋人方式,
往後我地任何一位網站工作人員都係咁處理,
結果都係攪到大家無癮...你話有無謂??
就當我地不介意你批評他人,不介意你撩交嗌...無人放魚相上來,你批評條毛咩,仲講乜鬼野保育!!
將心比已,如果有人帖內吋你釣到細魚都唔放生,請問你點睇??

16樓...

有人揸住支竿時自我感覺良好，以為自己揸住第二樣嘢!

睇真啲，原來踩着佢啲老友條尾。咁就怪唔得佢鬼鬼祟祟，左警告、右警告，但又唔敢澄清、跟我商榷啦。

身為版主，看見有人提出一個問題討論，有人提出意見批評、講下事實，便急不及待意圖封殺，這種處事方式公道嗎?老實講，我覺得好肉酸!

你於14樓內已引述"為免引起爭論，請小心用詞！",基本上你亦知道警告原因,
如果呢個原因而發出警告係有問題,處理不當...
咁...當然係有其他原因,原因亦有可能係你所估計都未定,
但上面我已講,發出警告係因你言詞挑釁,
咁...又何來鬼鬼祟祟??唔敢澄清??
我平常扣分都只係註明"違規",如你投訴我無澄清,我反而接受,
如果你無證無據,以為版主處理係因朋友原因而作出咁樣處理,
我嚴重警告你,此等係完全不負責任言論,
呢度雖然只係網上平台,關符人格嘅問題,請不要為自己合理化而隨便亂講!!
馬上處理,係我地一貫方式,帖內多人發言,為何你唔諗吓點解其他人無問題,只有你出現問題??
言論自由都有個譜架...大佬...

19樓...

呵呵呵，老羞成怒玩恐嚇，原來對人不對事。

失礼嘅唔係我。

請問版主於17及18樓內的回應,邊度老羞成怒??邊度對人不對事??
點樣叫做唔肉酸...我個人覺得,對事不對人,客觀於一件事上,不要拖埋甚麼朋友落水,唔會無限假設性...
無論係版主或一般網友,有需要接受你嘲笑嗎??
不接受嘅就無胸襟??
如果你係版主,遇到咁嘅情況...我本人真係好想向你討教,好想聽吓你係會點處理??

最後想問一句,我地以下兩條所訂嘅網站守則...

                               
登錄/註冊後可看大圖

發言語帶攻擊、侮辱、譏諷、挑釁、單打、假設性、使用粗言穢語、批評他/她人樣貌或使用所謂嘅近音粗口批評他人。

                               
登錄/註冊後可看大圖

假借任何原因(放生保育、釣技、魚獲買賣)挑起事端。
你個人覺得合理嗎??如果你覺得係多餘,歡迎提出意見,只要言之有理,一定接受...
我個人絕對可以接受討論我地處理方式,拗都無問題,投訴時嗌交都可以,真理越辯越明,
有錯我地會認,我只係地球人唔係神,有件事,小弟會先行致歉,
事因網站升級,仍未及時將網站守則加入新版內,
如因你未能及時去參考有關資料導致有所誤解,
我願意致歉!!

如非樓主,請勿回帖,
否則當作攪事論,一律禁訪處理!!

網主，多謝撥冗回應。

只要是有根有據而非謾罵，批評有甚麼不妥?貴為總理、特首、高官也會受到批評，唯獨是 貴網的人和事不能批評?

「嘥氣，爆釣魚毛十擔八擔都有人(包括啲M)話「羡慕」、「欣賞」、「恭喜」，又加分，搞到啲友真係以為自己好醒、好有型，咁嘅行為對保育文化嘅推廣只有反面作用。

駛個二千幾要賺突，無何否認係好多南油友嘅心態。」

此回帖“不點名”評論一部份釣友濫捕濫殺的行為、“不點名”評論一部份版主的行為與普世價值觀之「保育文化」和「放生文化」相違背，有甚麽指向性?足下上綱上線，指摘為藏有挑釁動機，是否言過其實?退一歩來說，就算我的評論不中肯，是否亦可一笑置之?有心人認為我的言論藏有挑釁動機、製造事端、傷害了一部份人的弱小心靈、刺痛了某些人的敏感神經，這可是我控制不了的反應。被批評者不反省自己的行為，卻指摘我製造事端，我大胆問一句，這裏是否黑白不分、是非不論?

一段評論不看內容是否中肯、是否有道理，而是以被批評者是否反感為依歸，這是甚麼邏輯? 除了聖人，甚麼人被批評時不反感!? 貴網的真正立場又是甚麼?一方面提倡「保育文化」和「放生文化」，另一方面卻指摘小弟評論濫捕濫殺的行為藏有挑釁動機。

待續...

雅比師姐，本人並非kevin2007，請明鑑。

綱主已回應了投訴，我亦没有補充了。

温馨提示:

ygz1992用師兄署名在伸訴區出帖，如ygz1992非師兄本人，請向綱主跟進。

如果是師兄用ygz1992帳号發帖的話，亦請保管好每個帳號的登入密碼，以免混亂。
==============
蕭生，無必要以小人之心度君子之腹。有其他人反對你，並不一定只是我。你揸住尚方寳劍，又有人替你站台，抹黑我，只會突顯你的手法低莊、品格低下。千祈唔好話你唔知我哋兩人嘅IP addresses吖。

『「哈哈哈，講出事實都被警告「為免引起爭論，請小心用詞！」

咁我跟你商榷下，蕭生。有釣友起七担雞魚，你話「我好羨慕!!」，再加分，即是你認同佢嘅行為，你嘅言論跟魚樂網提倡的「保育文化」、「放生文化」是否背道而馳?』

網主，我說「好多」，「好多」是否指「所有」?就算事實不是「好多」，而是「甚少」或「完全沒有，」我嘅言論詆毀了誰、侮辱了誰、指向誰作出挑釁? 南油友可否泛指全港去南油釣魚的人士，不單指這裏的釣友?

"啲友真係以為自己好醒、好有型"

是我根據觀察所得的推論，我不能證明一定對，你也不能證明一定錯。就算我的推論沒有事實根據，我詆毀了誰、侮辱了誰、指向誰作出挑釁?

講事實有甚麼問題?1号絲上五斤大紅鮋、二斤訛稱五斤，全部不可以評論、質疑，一評論就影響到和諧交流氣氛，足下是不是這個意思?

「終極一屎」一帖指名道姓作出人生攻擊，言論還涉及誹謗，足下那麼講原則，有沒有作出警告、扣分、禁言的行動?

關於「保育文化」，我是否連說都說不得?足下認為了無新意，可以不聽不看。

「咁我跟你商榷下，蕭生。有釣友起七担雞魚，你話「我好羨慕!!」，再加分，即是你認同佢嘅行為，你嘅言論跟魚樂網提倡的「保育文化」、「放生文化」是否背道而馳?」

我只是問了一個問題，這個問題「批評」了誰、「寸」了誰?某人是否可以回應，可以不回應?

「如果有人帖內吋你釣到細魚都唔放生，請問你點睇??」

我釣到細魚一定放生噃。我釣到細魚唔放生，有人吋我，我接受噃。

待續...

「帖內多人發言,為何你唔諗吓點解其他人無問題,只有你出現問題??」

網主，帖內釣友lajan、kevin2007也同樣被警告。lajan暗寸一番，kevin2007拂袖而起，並非只有我出現問題，亦表明並非只有我不認同版主嘅行為，請看清楚才作回應。

我當然唔認為我之前嘅回帖有問題才再回帖，足下指摘小弟「如果你無證無據，以為版主處理係因朋友原因而作出咁樣處理，我嚴重警告你，此等係完全不負責任言論，呢度雖然只係網上平台，關符人格嘅問題，請不要為自己合理化而隨便亂講!!」我接受，我收回言論。

某人暗示小弟亦昰kevin2007，暗寸我要「保管好每個帳號的登入密碼，以免混亂，」亦請足下「嚴重警告某人，此等係完全不負責任言論，呢度雖然只係網上平台，關符人格嘅問題，請不要為自己合理化而隨便亂講!」

待續...

網主，某人先警告，後扣分，還要暗寸本人要珍惜得來不易的積分。本人不認同，認為受辱，直覺認為是意圖打壓本人的言論，直覺認為是某人老羞成怒的行為，不也是人之常情? 某人因應我幾句不平則鳴嘅說話，即時禁止我發言，這是否小題大做、蠻不講理、以大石壓死蟹的方式處事?

足下講得對，無胸襟就唔適宜做版主，無個人操守、處事不公亦無資格做版主。

待續...

最後想問一句,我地以下兩條所訂嘅網站守則...
發言語帶攻擊、侮辱、譏諷、挑釁、單打、假設性、使用粗言穢語、批評他/她人樣貌或使用所謂嘅近音粗口批評他人。
假借任何原因(放生保育、釣技、魚獲買賣)挑起事端。
=========
我亦請問一句，足下有沒有嚴格執行，抑或因人而異呢?

ygz1992 發表於 2011-9-9 11:37

                               
登錄/註冊後可看大圖

**** 作者被禁止或刪除 內容自動屏蔽 ****

ygz1992兄,

睇完你嘅回應...我明了...
你追求係真理,真理之下...可以被嘲笑兩句,要有接受批評的雅量,要反省自己的行為...
你所有嘅回應都係解釋心中果一套...明喇...
我地關注嘅係網友言論行為有無影響其他人...差異太大了........
唔需再講喇,你要求乜野,我完全知道,
好對唔住,魚樂網不能完全滿足到你,
個人風格我無資格批評,但請你往後好好控制自己,
好似你咁樣風格,網上一定嗌交多過食飯,
既然係咁...我都無乜好回應...
亦無謂爭辯大家之間嘅差異,
請你好好了解一吓本網要求,
無謂大家攪到再咁無癮...
我將會解禁你,若師兄你係都要勉強大家接受你果套真理,
到時莫怪小弟!!

有關版主向你提及用戶身份問題,原因無你咁複雜,
只係佢地唔知呢版被禁者可以出帖.

你問我網站守則有無嚴格執行,答案係....無...
咁嘅情況,往時...如果係我,係無警告架!!
依家將你解禁,亦係特別處理!!

處理完畢,本帖關閉!!