美麗的誤會

成朝比魚仔搞，拉晒竿頭都抽唔到。臨走砌一口埋來，力度不弱。中魚時在直壆盡頭一個碼頭位，地形關係不能走回直壆，但魚竟然住後向直壆方向飛！因只用1.5子線，不敢硬頂，只好任佢出線。出一會後心想不是辨法，馬上走回直壆往回走。以前在這個位水面魚只中過花鱸，所以覺得九成九是花鱸，而因力度不弱所以覺得應該起碼有六十級。因為直壆有很闊的向內伸展的欄杆，頂著魚很難爬出去直壆，所以只有柔和地拉著魚走二、三百米回另一邊的碼頭再走回直壆網魚。這時候身後有十幾個路人甲乙跟著我看我頂魚，心想如斷或甩真係好瘀。一路走呀走，真係好漫長，又驚＂鱸魚＂沙紙牙利不敢硬拖。但好奇怪，點解條鱸冇升水洗鰓，但又咁沉穩拉都拉唔起，不禁幻想會唔會係大物。

終於走上了直壆，魚還不停向外飛，幾回合終於見魚，原來係阿伯，用個扁身頂水怪不知咁沉。只得斤零重好在冇人喝倒彩話我大陣仗。自己拍照留念時街坊又影埋一份，仲叫我快啲養住佢攞走食。我笑說係呀等我放佢返去養住先(放生）。條魚已經乏力所以我蹲在碼頭邊拉著魚尾不停撥水，約一分鐘後終於有力慢慢游走，不得不提是撥水時魚身在陽光反射下極之美麗！開心的是在圍觀的人大部份都讚同放生。收拾一下就離去，又一快樂的早上。

好嘢! 愉快釣行!公公真係好彩

bigmachk2004 發表於 13/10/2013 14:24
好嘢! 愉快釣行!公公真係好彩

要敬老~~XD

勁！精彩報導！

最緊要好玩

billychan246 發表於 13/10/2013 15:18
勁！精彩報導！

Thanks!

C hing, 是否日新竿中架？係就開心倍增！恭起！

uwongs 發表於 13/10/2013 16:00
最緊要好玩

非常過引呢

336338 發表於 13/10/2013 17:51
C hing, 是否日新竿中架？係就開心倍增！恭起！

是日新^^