chrischu 發表於 29/4/2009 03:22:17

有關「深、淺」問題！

以釣立魚、牛屎來計：

深淺問題一：假若在一個釣點內測到20呎水深，咁我的釣棚應該set多過20呎？少過20呎？還是剛20呎？才最有效果呢？

深淺問題二：讀書見有些ching有時會釣淺水處(腳邊，一竿內)，有時會釣深水處(兩、三竿外)，其實又應該點去選擇適當的釣點呢？

望有經驗的Ching賜教！

timwong 發表於 29/4/2009 07:00:04

要睇流速而定
如果流速快既話個釣組會打鈄，呢個時候可能要較深少少(視情況而定)
多數都會較少dd 咁就會減低掛底既機會

唔知岩唔岩得哂
等各位補充一下

7-UP 發表於 29/4/2009 17:57:17

有c hing曾經提過牛屎立喜歡貼底揾食 , 所以當我目標魚系牛屎立
不論釣遠釣近 , 我都會貼底&碎石避流位作釣
如果20呎水深 , 我會釣組先set 20呎 , 不kick石就set長多一呎直至到底
不過快流&慢流 , 釣組set夾鉛位置都有影响
我都系新手 , 努力學習中:em19

taken 發表於 30/4/2009 10:22:42

最好有90%深度
夜水釣腳邊 (腳邊係旨: 由石邊出兩三吋外至10多尺)
日水多數釣兩三杆外但腳邊都有可能

承承 發表於 30/4/2009 10:24:22

深淺問題一：假若在一個釣點內測到20呎水深，咁我的釣棚應該set多過20呎？少過20呎？還是剛20呎？才最有效果呢？
如果以牛屎為目標魚時, 釣棚應設於深度80%以上會較好, 因為牛屎鱲較喜歡貼底覓食, 但用誘餌及流水擴散可以令牠略為升水食餌, 所以釣組離海床1-3呎都冇問題, 反之拖底釣,只會增加掛石的機會.

深淺問題二：讀書見有些ching有時會釣淺水處(腳邊，一竿內)，有時會釣深水處(兩、三竿外)，其實又應該點去選擇適當的釣點呢？
先視乎釣場環境而衡量, 到達釣場先搜集現場可得出的數據及可見到的資料包括以下數項:
釣場類型: 礁石, 石堤, 直駁. 碎石灘.......
水深: 先試水深, 估計釣場深度, 再實地測試深度
攻擊目標及範圍: 尋找級位, 暗礁
其他因素影響: 風勢會影響投拋距離, 流速快難以穩定釣餌於作釣區域內, 浪湧太平靜魚會較離岸, 水的能見度愈高, 亦需要向深場探索, 不同的目標魚亦會影響作釣的距離, 正如釣幽面唔會釣腳邊, 釣黑白毛亦好少釣三四竿外等等.......

少少心得, 多嚐試多判斷多測試才會有新的體驗.

RCL 發表於 30/4/2009 14:22:52

深淺問題一：假若在一個釣點內測到20呎水深，咁我的釣棚應該set多過20呎？少過20呎？還是剛20呎？才最有效果呢？
如果以牛屎為目標魚時, 釣棚應設於深度80%以上會較好, 因為牛屎鱲較喜歡貼底覓食, 但用誘餌及流水擴 ...
承承 發表於 2009-4-30 10:24 http://www.fishinghk.com/forum/images/common/back.gif

承承版主，想請教如果釣點是一邊高一邊低，漸漸咁斜（比如有D直駁嘅角位由腳邊向外慢慢斜出去，流水又向外），呢種場合是否還可以用固定釣組、同釣棚應該點set？還是一定要全遊動方式？謝謝

承承 發表於 3/5/2009 13:38:04

使用固定釣組很受釣場深度影響, 除非釣場深度少於18呎. 全遊動只是一種釣法, 只要運用適當,任何釣法都可以釣得魚來,不論是固定, 半遊動或全遊動都要視釣場情況加以靈活運用. 如果是以底物為目標, 釣棚設置於深度80%或以上較好.
頁: [1]
查看完整版本: 有關「深、淺」問題！