064手竿釣魚---太陽下的3星星
064手竿釣魚---太陽下的3星星日期：2015-6-18星期四（五月初三）
時間：0900-1200
流水：生流，2.25-2.3-2.2
釣具：12尺仙竹（並繼手竿改前打）+蟻王前打輪7/8+1.5pe4號尼龍腳
魚餌：鹽醃荀仔（魚仔）
釣組：6號千又勾直出全漂
釣場：石壆腳邊船底
中魚時間：1100
魚穫：星鱸x3（尺零長）
今日唔用支18尺“幻匠”手竿，因為已經知道支竿一定攪得掂果d星鱸。
一於試下支12尺“仙竹”並繼手竽改前打，上次係魚排用過，夠軟，手感十足。
由早上9點釣到11點前搵條魚咬餌都冇，由於係漲定未轉流只係轉過兩三個位就算。
同埋真係太熱，釣早水係好難，個人都唔多想點郁。
到左11點諗住去番個星星竇到試下有冇，冇魚就不如早d走人，唔好咁辛苦！
去到個星星竇到一睇，同今朝有d唔同。就係有d魚毛出現。（當時應該開始漲盡水退。）
口餌一落水就畀魚毛圍，因為我唔係剩番好多魚餌，所以即刻拉番舊餌上水，再拋過。
只係拋過兩尺位到，魚毛冇出現。口餌就順利落到底。
到底一陣冇耐，就有魚輕輕拉絲，一揪就中左今日第一條魚。
唔計有一條入石，同有兩條拉斷腳線。三條上到水嘅魚裏面，佢最細條，但最好力。
之後又再上多兩條大d嘅，見冇乜魚餌，就汁野走人。
總結今日行程，
支“仙竹改”好正。夠輕，夠軟，對付斤頭嘅魚，腰力夠玩，唔係太強果種，啱我口味！
至於兩三斤嘅魚，係魚排試過應該話仲可以同大野玩一玩，不過要好好控竿，就完全冇問題。
以後如果有機會，可能會再轉幼d嘅pe或尼龍，始終支“仙竹”再遇到大怪獸就會好危險。
我唔想炸竿，因為我好鍾意支竿嫁！同埋我仲未完全改好佢。
另外，見到有魚仔放心化餌可以係一個訊號，就係果到冇大魚。
其實當時腳邊對出五六尺，都見有魚仔游來游去。口餌一拋到船邊都有。
但係，拋過左尺零兩尺位，就唔見同一群魚仔追過黎化餌，果然就真係有魚係下面。
隨後補相。 多謝分享
等睇相 多謝分享 多謝分享
頁:
[1]